د هرات په زنده‌جان ولسوالۍ کې زلزله ځپلو هېوادوالو ته یو بل ښار ګوټی جوړ او ګټې اخیستنې ته وسپارل شو

dpmea_admin
پنجشنبه ۱۴۰۳/۳/۲۴ - ۲۱:۵۳
WhatsApp Image 2024-06-13 at 20.59.52_8d25e498

د ریاست الوزراء اقتصادي معاونیت د دفتر عمومي رئیس محترم مفتي عبدالله عزام د روان کال د غبرګولي میاشتې په ۲۴مه نېټه هرات ولایت ته د خپل سفر پرمهال په زنده جان ولسوالۍ کې تېر کال زلزله ځپلو هېوادوالو ته د ۱۰۰ کورونو لرونکي یوه بل ښار ګوټي د سپارلو په مراسمو کې ګډون او وینا وکړه. د ریاست الوزراء اقتصادي معاونیت د دفتر عمومي رئیس محترم مفتي عبدالله عزام په همدې مناسبت جوړې شوې غونډې ته چې د هرات ولایت یو شمېر مسوولینو، خصوصي سکټور استازو او د سیمې اوسیدونکو ګډون کړی وو، د خپلې وینا پرمهال وویل، د اقلیمي بدلونونو له امله د هېواد بېلا بېلې سیمې د زلزلو او سېلابونو له امله زیانمنې شوې او اوسیدونکو ته یې درانه ځاني او مالي زیانونه اوښتي دي. د مفتي عبدالله عزام په وینا چې ددغو طبیعي پېښو له امله ځینې زېربناوې هم زیانمنې شوې دي. د ریاست الوزراء اقتصادي معاونیت د دفتر عمومي رئیس د هرات د مرکز په ګډون په ځینو ولسوالیو کې د رامنځته شوې زلزلې له امله اوښتي زیانونه بې ساري وبلل او ویې ویل چې ددې زلزلې له امله زرګونو هېوادوالو ته ځاني او مالي زیانونه واوښتل او ډېری خلک یې د غم په ټغر کېنول.  د مفتي عبدالله عزام په وینا، که څه هم دا یوه ستره غمیزه وه خو د افغانستان اسلامي امارت مسوولینو زلزله ځپلو سیمو ته پر وخت ځانونه ورسول او له شته امکاناتو څخه په استفادې یې د زلزله ځپلو هېوادوالو لاسنیوی وکړ. د ریاست الوزراء اقتصادي معاونیت د دفتر عمومي رئیس د خپلو خبرو پرمهال وویل چې لا هم د تېر کال زلزلې له امله د هرات ځیني اوسیدونکي سرپناه نه لري او مرستو ته اړ دي، نو اړتیا ده چې لاسنیوی یې وشي، د ریاست الوزراء اقتصادي معاونیت او نورې اړوندې ادارې په دې برخه کې خپلو همکاریو ته دوام ورکوي.  محترم مفتي عبدالله عزام د هرات زلزله ځپلو کورنیو ته د ۱۰۰ کورنو په جوړېدو خوښي وښوده او زیاته یې کړه:« ډېر زیات د خوشحالۍ احساس کوم چې نن ورځ په هرات ولایت کې له زلزلې څخه د زیانمن شویو هېوادوالو لپاره د سرپناه سل کورونه توزیع کېږي، دا سل کورونه به په واقعیت کې په اوسطه توګه د سلو کورنیو سلګونو کسانو ته د سرپنا او نسبتاً ارام ژوند زمینه مساعده کړي د ریاست الوزراء اقتصادي معاونیت د دفتر عمومي رئیس له ټولو هغو هېوادوالو څخه مننه وکړه، چې د هرات د زلزله ځپلو له پاره یې د کورونو په جوړېدو کې مرسته کړې ده او ډاډ یې ورکړ چې د افغانستان اسلامي امارت د طبیعي پېښو له امله د زیانمنو هېوادوالو په څنګ کې ولاړ دی او پر وخت به یې ستونزو ته رسیدګي کوي.  محترم مفتي عبدالله عزام د خپلو خبرو په یوه برخه کې د هېواد ملي پراختیا ستراتیژي ته په اشارې سره وویل چې ریاست الوزراء اقتصادي معاونيت د خپل مسوولیت له مخې د راتلونکو پنځو کلونو لپاره د هېواد د ملي پراختیا په ستراتیژۍ کار کوي او په نږدې راتلونکي کې به یې د لومړنۍ مسودې چارې بشپړې شي. په دې ستراتيژۍ کې د هېواد د عيني اړتياوو او امکاناتو په چوکاټ کې به د ملي لومړيتوبونو بېلا بېل مهم پروګرامونه په ګوته شي. د ریاست الوزراء اقتصادي معاونیت د دفتر عمومي رئیس په وینا، له دې سره به په هېواد کې د اقتصادي ودې پروسه نوره هم منظمه، د پانګونې او بشري قوې د ګومارنې له پاره به مناسب فرصتونه رامنځته او په ټوله کې به په هېواد کې د اقتصادي ودې بهير مديريت او ګړندی شي.

تازه خبرونه

شنبه ۱۴۰۳/۴/۲۳ - ۱۶:۲
Background image

د ننګرهار په حصار شاهي او شیخ مصري صنعتي پارکونو کې د لمریزې برېښنا د تولید طرحې د تایید وړ وبلل شوې

د پانګونې بین‌الوزارتي کمېټې نوبتي غونډې ته چې په مرمرینه ماڼۍ کې جوړه شوې وه، د ننګرهار په حصار شاهي او شیخ مصري صنعتي پارکونو کې په ترتیب سره ۴۰ – ۴۰ میګاواټه لمریزې برېښنا د تولید او. . .

شنبه ۱۴۰۳/۴/۲۳ - ۱۵:۴۲
Background image

د ګلبهار پاور خصوصي شرکت له لوري د ۱۰۰ میګاواټه ګازي برېښنا د تولید پر وړاندې شوې طرحه بحث وشو

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ جوړه شوې غونډه کې د ګلبهار پاور خصوصي شرکت له لوري د ۱۰۰ میګاواټه ګازي برېښنا د تولید پر وړاندې شوې طرحه بحث وشو.. . .

پنجشنبه ۱۴۰۳/۴/۲۱ - ۱۵:۱
Background image

د ریاست‌الوزراء اقتصادي مرستیال: د کابل په ګډون د هېواد په شپږو ولایتونو کې د صادراتو د پروسس زونونه جوړېږي

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳ لمریز کال سرطان میاشتې په ۲۱مه نېټه د صادراتو ملي ورځې په نمانځغونډه کې ګډون وکړ. د ریاست‌الوزراء اقتصادي. . .

BACK TO NEWS