د کانونو په برخه کې پر یوشمېر اقتصادي موضوعاتو بحث وشو
د اقتصادي کمېسیون د تخنیکي کمېټې نوبتي غونډه په مرمرینه ماڼۍ کې ترسره او له اجنډا سره سم د وړاندې شوو موضوعاتو په اړه هراړخیز بحث وشو. دغې ناستې ته د اوبو او انرژۍ وزارت له لوري د ټاپ پروژې د سکرتریت د جوړېدو، د فراه ولایت د قومي مشرانو له لوري د بخش آباد بند د تونلونو چارو تر بشپړېدو مخکې د یاد بند د کاسې جوړولو چارو د پيلېدو پر غوښتنې، له فتحې مخکې د پارنده پنجشیر مایکروهایدل او چک برېښنا بند د پاتې انوایسونو د اجراء او د سیلوګانو لپاره د غنمو د پېرلو پر کړنلارې هر اړخیز بحث وشو. تر مفصل بحث وروسته پرېکړه وشوه چې یاد موضوعات دې د تخنیکي کمېټې د نظرونو په نظر کې نیولو سره د نهایي تصمیم نیونې په موخه اقتصادي کمېسیون ته وړاندې شي
