محترم ملا عبدالغني برادر اخوند د ایران د ولسمشر د جنازې په مراسمو کې د ګډون په موخه تهران ته روان شو
د ریاستالوزراء اقتصادي مرستیال محترم ملا عبدالغني برادر اخوند د غبرګولي میاشتې په دوهمه نېټه د ایران د وفات شوي ولسمشر ابراهیم رییسي د جنازې په مراسمو کې د ګډون لپاره د ایران پلازمېنې تهران ته روان شو. د ریاستالوزراء اقتصادي مرستیال به د ایران پلازمېنه تهران کې د دغه هېواد د وفات شوي ولسمشر ابراهیم رییسي د جنازې په مراسمو کې د ګډون ترڅنګ د دغه هېواد حکومتي مسوولینو، د مرحوم کورنۍ او د ایران ولس ته د اسلامي امارت او د افغانستان د خلکو په استازیتوب د تسلیت مراتب وړاندې کړي. د ریاستالوزراء له اقتصادي مرستیال سره په دغه سفر کې د بهرنیو چارو وزیر مولوي امیرخان متقي صاحب ملتیا کوي.
