د لته بند له لارې د کابل - سروبي سړک پاتې چارې بشپړېږي
د ریاست الوزراء اقتصادي مرستیال محترم ملا عبدالغني برادر اخوند د روان ۱۴۰۳ لمریز کال د ثور میاشتې په ۱۴مه نېټه د جمعې په ورځ د کابل - سروبي «لته بند» سړک څخه لیدنه وکړه. په دې سفر کې له محترم ملا صاحب سره د ټولګټو وزیر محترم ملا محمد عیسی ثاني، د کابل والي ملا امین الله عبید، د ننګرهار والي ملا محمد نعيم اخوند (حاجي ګل محمد) او یو شمېر نورو مسوولینو یې ملتیا کوله. د ټولګټو وزارت په پلان کې لري چې د لته بند له لارې د کابل - سروبي سړک پاتې چارې په راتلونکي کې پیل او په ټاکلې موده یې پای ته ورسوي.
