محترم ملا عبدالغني برادر اخوند د قطر د بهرنیو چارو وزارت له مرستیال سره وکتل

dpmea_admin
پنجشنبه ۱۴۰۳/۳/۳ - ۱۴:۳۴
5U2A9362.jpg

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳ لمریز کال د غبرګولي میاشتې په درېیمه نېټه په خپل کاري دفتر کې د قطر د بهرنیو چارو وزارت له مرستیال محمد بن عبدالعزیز الخلیفي سره وکتل. د دغه لیدنې پر مهال د دواړو لورو ترمنځ پر سیاسي، اقتصادي او سوداګریزو اړیکو خبرې وشوې. د ریاست‌الوزراء اقتصادي مرستیال په مختلفو برخو کې له افغانستان سره د قطر هېواد له همکاریو مننه وکړه او وویل پکار ده، چې دا اړیکې لا پراخې او پياوړې شي. محترم ملا صاحب زیاته کړه، اوسمهال په افغانستان کې د پانګونې بې شمېره فرصتونه رامنځته شوي او قطري پانګوال کولای شي دلته په بېلابېلو برخو کې پانګونه وکړي. د محترم ملا صاحب په خبره، اسلامي امارت بهرنیو پانګوالو ته اړینې اسانتیاوې برابر کړې دي او بشپړ ملاتړ یې کوي.  د قطر د بهرنیو چارو وزارت مرستیال د خپلو خبرو پر مهال وویل، دوی به د دغه هېواد پانګوال په افغانستان کې پانګونې ته وهڅوي او په همدې موخه به په نږدې راتلونکي کې د قطر هېواد پانګوال کابل ته راشي.  محمد بن عبدالعزیز الخلیفي زیاته کړه، دوی د قطر له نړیوالو هوايي شرکتونو سره له نږدې کار کوي، څو د یو منظم میکانیزم له مخې خپلې الوتنې افغانستان ته پيل او د دواړو هېوادونو ترمنځ سوداګریزې اړیکې لا پياوړې شي. نوموړي په دوحه کې د افغانستان په اړه د ځانګړو استازیو په درېیمه غونډه کې د اسلامي امارت د استازي د ګډون غوښتنه وکړه او زیاته یې کړه، قطر لېواله دی چې د اسلامي امارت د استازي په شتون کې به د دوحې درېیمه غونډه یوې معلومې پایلې ته ورسېږي. نوموړي زیاته کړه، د اسلامي امارت له استازي پرته دا ډول غونډې بې پایلې دي او په دې اړه یې ملګرو ملتونو ته هم خپل دریځ واضح کړی. د ریاست‌الوزراء اقتصادي مرستیال وویل، اسلامي امارت له ټولو هېوادونو سره پراخې سیاسي – اقتصادي اړیکې غواړي او د همدغه سیاست په غوره کولو سره دوه اړخیز تعامل ته را وړاندې شوی دی. محترم ملا صاحب ټینګار وکړ چې د اسلامي امارت له استازي پرته د افغانستان په اړه نړیوالې جوړېدونکې غونډې کومې پایلې ته نشي رسېدلی نو پکار ده، چې په دې ډول غونډو کې د اسلامي امارت دریځ ته درناوی او خبره یې واورېدل شي.

تازه خبرونه

پنجشنبه ۱۴۰۳/۳/۲۴ - ۲۱:۵۳
Background image

د هرات په زنده‌جان ولسوالۍ کې زلزله ځپلو هېوادوالو ته یو بل ښار ګوټی جوړ او ګټې اخیستنې ته وسپارل شو

د ریاست الوزراء اقتصادي معاونیت د دفتر عمومي رئیس محترم مفتي عبدالله عزام د روان کال د غبرګولي میاشتې په ۲۴مه نېټه هرات ولایت ته د خپل سفر پرمهال په زنده جان ولسوالۍ کې تېر کال زلزله. . .

پنجشنبه ۱۴۰۳/۳/۲۴ - ۱۸:۱۱
Background image

د ریاست‌الوزراء اقتصادي مرستیال محترم ملا عبدالغني برادر اخوند غور ولایت ته سفر وکړ

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳لمریز کال د غبرګولي میاشتې په ۲۴مه نېټه په غور ولایت کې د وروستیو سېلابونو له امله د زیانمنو شویو هېوادوالو سره. . .

پنجشنبه ۱۴۰۳/۳/۲۴ - ۱۴:۱
Background image

اقتصادي کمېسیون په غونډه کې د سروبي دوهم بند د جوړېدو او په جوزجان کې د ۳۰۰ مېګاواټه ګازي برېښنا د تولید په اړه بحث وشو

د اقتصادي کمېسیون په نوبتي غونډه کې چې په مرمرینه ماڼۍ کې جوړه شوې وه، د کابل ولایت اړوند د سروبي دوهم بند د جوړېدو، په جوزجان ولایت کې د ۳۰۰ مېګاواټه ګازي برېښنا د تولید، د کانونو او. . .

BACK TO NEWS