د پانګونې بین‌الوزارتي کمېټې نوبتي غونډه ترسره شوه

dpmea_admin
چهارشنبه ۱۴۰۳/۳/۲۳ - ۱۵:۲۳
5U2A0074

د پانګونې بین‌الوزارتي کمېټې په نوبتي غونډه کې چې د روان لمریز کال د غبرګولي میاشتې په ۲۲مه نېټه په مرمرینه ماڼۍ کې جوړه شوې وه، له اجنډا سره سم د خصوصي سکټور له لوري د پانګونې پر وړاندې شویو یو شمېر طرحو بحث وشو.  غونډې ته د بادغیس ولایت د بالا مرغاب ولسوالۍ اړوند موري چاق کلي ته د برېښنا رسولو، په جلال آباد ښار کې د سوداګریز مارکېټ او زیرزمیني لارې او په هرات ولایت کې د بام هرات تفریحي کمپلېکس جوړولو طرحې وړاندې شوې.  په ناسته کې تر هر اړخیز بحث وروسته د جلال آباد ښار بزازۍ چوک کې د ښاروالۍ پر ځمکه د سوداګریز مارکېټ او زیرزمیني لارې جوړولو طرحه د تایید وړ وبلل شوه. د بادغیس ولایت د بالا مرغاب ولسوالۍ اړوند موري چاق کلي ته د برېښنا رسولو او په هرات ولایت کې د بام هرات تفریحي کمپلېکس جوړولو د طرحو په اړه  ټاکل شویو کمېټو ته دنده وسپارل شوه، چې د پانګونې بین الوزارتي کمېټې نظرونو ته په پاملرنې دې د طرحو وړاندې کوونکو شرکتونو سره د یادو طرحو د مالي، اقتصادي او تخنیکي اړخونو ارزونې په موخه ناستې وکړي او راپور دې یادې کمېټې ته وړاندې کړي.

تازه خبرونه

یکشنبه ۱۴۰۵/۸/۲۴ - ۱۰:۳۸
Background image

محترم ملا عبدالغني برادر اخوند د یتیم‌تاق د ګازو له سیمې لیدنه وکړه

د ریاست‌الوزراء اقتصادي مرستیال محترم ملا عبدالغني برادر اخوند د ۱۴۰۵ کال د عقرب میاشتې په ۲۳مه نېټه د جوزجان ولایت د یتیم تاق د ګازو له سیمې لیدنه وکړه.
د افغان ګاز امارتي شرکت. . .

یکشنبه ۱۴۰۵/۸/۲۴ - ۹:۴۵
Background image

د بیات پاور د ۴۰ مېګاواټه ګازي برېښنا توربین بیاځلې فعالیت پيل کړ

د ریاست‌الوزراء اقتصادي مرستیال محترم ملا عبدالغني برادر اخوند د ۱۴۰۵ کال د عقرب میاشتې په ۲۳مه نېټه په جوزجان ولایت کې د بیات پاور د ۴۰ مېګاواټه ګازي برېښنا توربین د بیاځلې فعالیت د. . .

شنبه ۱۴۰۵/۸/۲۳ - ۱۳:۳۳
Background image

د میمنې - اندخوی د ۱۱۰ کیلوولټ برېښنا د لېږد لین د بیارغونې پروژه ګټې اخیستنې ته وسپارل شوه

د ریاست‌الوزراء اقتصادي مرستیال محترم ملا عبدالغني برادر اخوند له لوري نن (شنبه)، د ۱۴۰۵ کال د عقرب میاشتې په ۲۳مه نېټه، په فاریاب ولایت کې د میمنې - اندخوی د ۱۱۰ کیلوولټ برېښنا د لېږد. . .

BACK TO NEWS