د ملي تدارکاتو کمېسیون له لوري د شاوخوا ۴میلیارده افغانیو په ارزښت ۱۸ بېلابېلې پروژې منظورې شوې

dpmea_admin
چهارشنبه ۱۴۰۲/۹/۱۵ - ۱۵:۲۶
5U2A3556

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د ملي تدارکاتو کمېسیون نوبتي غونډه په مرمرینه ماڼۍ کې ترسره او له اجنډا سره سم د وړاندې شوو پروژو په اړه بحث وشو.  د ملي تدارکاتو کمېسیون یادې غونډې ته ۲۸ پروژې د بحث لپاره وړاندې شوې چې له جملې یې د ۱۸ پروژو قراردادونه منظور او د ۵ پروژو د قراردادونو په اړه ټاکل شویو کمېټو ته دنده وسپارل شوه، څو دغه قراردادونه په هراړخیز ډول وڅېړي او د نهايي تصمیم نیونې په موخه یې د ملي تدارکاتو کمېسیون راتلونکي مجلس ته وړاندې کړي. همدارنګه د ۵ نورو پروژو په اړه ملي تدارکاتو ریاست ته دنده وسپارل شوه څو یاد قراردادونه په هراړخیز ډول و ارزوي او راپور یې د ملي تدارکاتو کمېسیون له مشرتابه سره شریک کړي. منظور شوې پروژې د ملي دفاع، کورنیو چارو، مالیې، ټولګټو، د مخابراتو او معلوماتي ټکنالوژۍ وزارتونو، د افغانستان برېښنا شرکت او کابل ښاروالۍ اړوند دي، چې ټولیز ارزښت یې شاوخوا (۴) میلیارده افغانیو ته رسېږي. په یادو منظور شوو پروژو کې د چک وردګ بند د پاتې چارو بشپړولو، له ارغندۍ تر غزني پورې د ۲۲۰ کیلو ولټ برېښنا د لین غځولو پاتې چارو بشپړولو، د هرات او تور غونډۍ د نورالجهاد د ۲۲۰ کیلوولټ لین د انسولټرونو چمتو کولو، د زابل ولایت له شهر صفا ولسوالۍ تر مانجې پورې د غځېدلي سړک اساسي بیارغونه، د کابل – لوګر سړک د دوهم لین د پاتې چارو بشپړولو، هېوادوالو ته د باکیفیته او چټکو انټرنيټي خدمتونو وړاندې کول او یوشمېر نورې پروژې شاملې دي، چې په پلې کېدو سره به یې زرګونو هېوادوالو ته کاري فرصتونه برابر شي.

تازه خبرونه

شنبه ۱۴۰۳/۴/۲۳ - ۱۶:۲
Background image

د ننګرهار په حصار شاهي او شیخ مصري صنعتي پارکونو کې د لمریزې برېښنا د تولید طرحې د تایید وړ وبلل شوې

د پانګونې بین‌الوزارتي کمېټې نوبتي غونډې ته چې په مرمرینه ماڼۍ کې جوړه شوې وه، د ننګرهار په حصار شاهي او شیخ مصري صنعتي پارکونو کې په ترتیب سره ۴۰ – ۴۰ میګاواټه لمریزې برېښنا د تولید او. . .

شنبه ۱۴۰۳/۴/۲۳ - ۱۵:۴۲
Background image

د ګلبهار پاور خصوصي شرکت له لوري د ۱۰۰ میګاواټه ګازي برېښنا د تولید پر وړاندې شوې طرحه بحث وشو

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ جوړه شوې غونډه کې د ګلبهار پاور خصوصي شرکت له لوري د ۱۰۰ میګاواټه ګازي برېښنا د تولید پر وړاندې شوې طرحه بحث وشو.. . .

پنجشنبه ۱۴۰۳/۴/۲۱ - ۱۵:۱
Background image

د ریاست‌الوزراء اقتصادي مرستیال: د کابل په ګډون د هېواد په شپږو ولایتونو کې د صادراتو د پروسس زونونه جوړېږي

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳ لمریز کال سرطان میاشتې په ۲۱مه نېټه د صادراتو ملي ورځې په نمانځغونډه کې ګډون وکړ. د ریاست‌الوزراء اقتصادي. . .

BACK TO NEWS