ملي تدارکاتو کمېسیون د شاوخوا ۱۱ میلیارده افغانیو په ارزښت مختلفې پروژې منظورې کړې

dpmea_admin
چهارشنبه ۱۴۰۳/۱/۱۵ - ۱۶:۹
5U2A1299

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ؛ ملي تدارکاتو کمېسیون د شاوخوا ۱۱ میلیاردو افغانیو په ارزښت د ۲۴ پروژو قراردادونه منظور کړل. د ملي تدارکاتو کمېسیون نوبتې غونډې ته چې د روان لمریز کال د وري میاشتې په ۱۵مه نېټه په مرمرینه ماڼۍ کې جوړه شوې وه، له اجنډا سره سم ۲۹ پروژې د منظورۍ لپاره وړاندې شوې، چې له جملې یې د ۲۴پروژو قراردادونه منظور، د څلورو لغوه او د یوې پروژې د قرارداد په اړه ټاکل شوې کمېټې ته دنده وسپارل شوه، چې په هراړخیز ډول یې وڅېړي او خپل راپور د ملي تدارکاتو کمېسیون راتلونکې غونډې ته وړاندې کړي. په منظور شوو پروژو کې د کابل – کندهار لویې لارې د اساسي بیارغونې د پاتې چارو بشپړول، د کنړ – نورستان سړک د تخریب شوو ساحو بیارغونه، په مختلفو ولایتونو کې د افغانستان برېښنا شرکت اړوند پروژې، د ملي دفاع وزارت د مرکزي قطعاتو او جزوتامونو لپاره د هغوی د اړتیا وړ توکو برابرول او یوشمېر نورې پروژې شاملې دي، چې په پلې کېدو سره به یې سلګونو هېوادوالو ته کاري فرصتونه برابر شي.

تازه خبرونه

پنجشنبه ۱۴۰۳/۳/۳ - ۱۴:۳۴
Background image

محترم ملا عبدالغني برادر اخوند د قطر د بهرنیو چارو وزارت له مرستیال سره وکتل

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳ لمریز کال د غبرګولي میاشتې په درېیمه نېټه په خپل کاري دفتر کې د قطر د بهرنیو چارو وزارت له مرستیال محمد بن. . .

پنجشنبه ۱۴۰۳/۳/۳ - ۱۳:۵۱
Background image

د ا.ا.ا د ریاست الوزراء اقتصادي مرستیال په مشرۍ لوړ رتبه امارتي پلاوي د ایران اسلامي جمهوریت د جمهور رئیس د فاتحې په مراسمو کې ګډون وکړ

د محترم ملا عبدالغني برادر آخوند  په مشرۍ لوړپوړي امارتي پلاوي، چې د بهرنیو چارو وزیر محترم مولوي امیرخان متقي یې ملتیا کوله د روان ۱۴۰۳ لمریز کال د جوزا میاشتې په دوهمه نېټه د ایران. . .

چهارشنبه ۱۴۰۳/۳/۲ - ۱۵:۵۳
Background image

د حیرتان بندر اړوند نایب آباد سټېشن کې پر نړیوالو معیارونو برابر سوداګریز مرکز جوړېږي

د پانګونې بین‌الوزارتي کمېټې نوبتي غونډې ته چې د روان ۱۴۰۳ لمریز کال د غبرګولي میاشتې په لومړۍ نېټه په مرمرینه ماڼۍ کې جوړه شوې وه، د خصوصي سکټور له لوري د حیرتان بندر اړوند نایب آباد. . .

BACK TO NEWS