اریانا افغان هوايي شرکت د وچو او تازه میوو د صادراتو لپاره د هوايي کارګو اسانتیاوې رامنځته کوي

masih_admin
چهارشنبه ۱۴۰۴/۷/۱۶ - ۱۴:۱۹
اریانا افغان هوايي شرکت د وچو او تازه میوو د صادراتو لپاره د هوايي کارګو اسانتیاوې رامنځته کوي

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ نن د روان ۱۴۰۴ لمریز کال د میزان میاشتې په ۱۶مه نېټه په مرمرینه ماڼۍ کې د اړوندو وزارتونو او ادارو له مسوولینو سره د هوايي کارګو له لارې بهرنیو هېوادونو ته د افغانستان د وچو او تازه میوو د صادراتو په اړه غونډه ترسره شوه. په غونډه کې له بحث وروسته د اریانا افغان هوايي شرکت مسوولینو ته سپارښتنه وشوه چې اوسمهال له ګټې پرته په تمام شوي قیمت بهرنیو هېوادونو ته د وچو او تازه میوو صادرات پيل او همدارنګه د یادو میوو د صادراتو لپاره د چارتر الوتکو د پيدا کولو په اړه له هوايي کارګو شرکتونو سره خبرې وکړي.

همداراز د اوږدمهال لپاره د دې ستونزې د اساسي حل په موخه د اریانا افغان هوايي شرکت مسوولینو ته دنده وسپارل شوه چې دوه کارګو الوتکې وپېري. د دې الوتکو د پېرودلو لپاره به اسلامي امارت بودیجه ورته ځانګړې کړي. د سوداګرۍ او پانګونې خونې مسوولینو ته هم دنده وسپارل شوه چې له سوداګرو سره د هوايي کارګو شرکت د رامنځته کولو په اړه مجلسونه وکړي.

د یادو ادارو له استازو وغوښتل شول چې خپل راپورونه په لنډ وخت کې د ریاست‌الوزراء اقتصادي معاونیت له مقام سره شریک کړي

تازه خبرونه

چهارشنبه ۱۴۰۴/۷/۱۶ - ۱۴:۱۹
Background image

اریانا افغان هوايي شرکت د وچو او تازه میوو د صادراتو لپاره د هوايي کارګو اسانتیاوې رامنځته کوي

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ نن د روان ۱۴۰۴ لمریز کال د میزان میاشتې په ۱۶مه نېټه په مرمرینه ماڼۍ کې د اړوندو وزارتونو او ادارو له مسوولینو سره. . .

سه‌شنبه ۱۴۰۴/۷/۱ - ۱۵:۱۰
Background image

په نږدې راتلونکي کې به د بخش اباد خاکي بند عملي چارې پيل شي

د ریاست‌الوزراء اقتصادي مرستیال محترم ملا عبدالغني برادر اخوند نن د روان ۱۴۰۴ لمریز کال د میزان میاشتې په لومړۍ نېټه په خپل کاري دفتر کې د فراه ولایت له علماوو او قومي مشرانو سره وکتل.. . .

دوشنبه ۱۴۰۴/۶/۳۱ - ۱۰:۲۲
Background image

له قمبر څلورلارې تر خیرخانې کوتل د غځېدلي سړک چارې ۹۵ سلنه بشپړې شوې دي

د ریاست‌الوزراء اقتصادي معاونیت تخنیکي ټیم د روان ۱۴۰۴ لمریز کال د سنبلې میاشتې په ۲۶مه نېټه له قمبر څلورلارې تر خیرخانې کوتل د غځېدلي سړک چارې له نږدې وڅارلې. د اقتصادي معاونیت تخنیکي. . .

BACK TO NEWS