محترم ملا عبدالغني برادر اخوند د اسلامي ثقافت د چاپ او نشر تولیدي مرکز د بنسټ ډبره کېښوده
د ریاستالوزراء اقتصادي مرستیال محترم ملا عبدالغني برادر اخوند نن (پنجشنبه) د ۱۴۰۵ کال د سنبلې میاشتې په ۱۲مه نېټه په صنایع سبز صنعتي ښارګوټي کې «د افغانستان اسلامي ثقافت د چاپ او نشر تولیدي مرکز» د بنسټ ډبره کېښوده.
د افغانستان اسلامي ثقافت د چاپ او نشر تولیدي مرکز کې د بهیر ګروپ خصوصي شرکت له لوري شاوخوا ۷۵ میلیون ډالر پانګونه کېږي، چې چارې به یې په دوه کلونو کې بشپړې شي.
د بهیر ګروپ د مسوولینو په خبره، یاد مرکز په ۱۱۰ جریبه ځمکه جوړیږي، چې د فعالیت په پيل سره به یې افغانستان د دیني او عصري علومو نصابونو د چاپ او نشر په برخه کې خپلې اړتیاوې کور دننه پوره کړي. په دغه مرکز کې به سلګونو هېوادوالو ته د کار زمینه هم برابره شي.
