محترم ملا عبدالغني برادر اخوند هرات ولایت ته د خپل سفر په ترڅ کې د دې ولایت حوزوي روغتون ته د زلزلې له امله د زخمیانو د احوال پوښتنې په موخه لاړ
د ریاستالوزراء اقتصادي مرستیال محترم ملا عبدالغني برادر اخوند هرات ولایت ته د خپل سفر په ترڅ کې د هرات ولایت حوزوي روغتون ته د زخمیانو د احوال پوښتنې په موخه لاړ او له نېږدې یې د هغوی احوال واخیست. محترم ملا صاحب ټولو زخمیانو ته ډاډ ورکړ چې په ښه ډول به یې درملنه وشي او د دوی د درملنې په موخه یې ټولو طبي ټیمونو ته لازمې لارښوونې او هدایات کړي دي. محترم ملا صاحب د زلزلو ځپلو زخمیانو د احوال پوښتنې پر مهال وویل چې اسلامي امارت د ولس نظام دی او د دغه ولس خدمت خپل مسوولیت ګڼي.
