په کابل ښار کې د سوداګریز مارکېټ جوړولو طرحه د تایید وړ وبلل شوه
د پانګونې بینالوزارتي کمېټې نوبتي غونډه د روان ۱۴۰۳ لمریز کال د میزان میاشتې په لسمه نېټه په مرمرینه ماڼۍ کې ترسره شوه. دې غونډې ته له اجنډا سره سم په کابل، سرپل او جوزجان ولایتونو کې د سوداګریزو مارکېټونو جوړولو طرحې د بحث لپاره وړاندې شوې.
د پانګونې بینالوزارتي کمېټې له هر اړخیز بحث وروسته په کابل ښار کې د سوداګریز مارکېټ جوړولو طرحه د تایید وړ وبلل شوه او د منظورۍ په موخه اقتصادي کمېسیون ته راجع شوه.
پر دې سربېره په سرپل او جوزجان ولایتونو کې د سوداګریزو مارکېټونو جوړولو طرحو د هراړخیزې ارزونې لپاره جلا جلا کمېټې وټاکل شوې څو خپل راپورونه په ټاکل شوو نېټو د پانګونې بینالوزارتي کمېټې ته وړاندې کړي.
