محترم ملا عبدالغني برادر اخوند د ترمذ نړیوال سوداګریز مرکز د پرانیستې په مراسمو کې د ګډون په موخه د ازبیکستان هېواد ترمذ سرحدي ښار ته په رسمي سفر ولاړ
د ریاستالوزراء اقتصادي مرستیال محترم ملا عبدالغني برادر اخوند په مشرۍ لوړپوړی پلاوی د روان ۱۴۰۳ لمریز کال د سنبلې میاشتې په اتمه نېټه د ازبیکستان هېواد په رسمي بلنه د ترمذ سرحدي ښار ته په سفر ولاړ. ټاکل شوې چې نن پنجشنبه به په دغه ښار کې «د ترمذ نړیوال سوداګریز مرکز» د ا.ا.ا د ریاستالوزراء اقتصادي مرستیال، د ازبیکستان د لومړي وزیر، د آذربایجان د لومړي وزیر د مرستیال او همدا راز د قزاقستان او قرغیزستان د لوړو پوړو چارواکو په حضور کې پرانیستل شي.
