محترم ملا عبدالغني برادر اخوند د ملګرو ملتونو د ادارو له مسوولینو سره وکتل

dpmea_admin
شنبه ۱۴۰۳/۲/۲۹ - ۱۵:۱۰
WhatsApp Image 2024-05-18 at 10.38.49_4a5d3010

د رياست الوزراء اقتصادي مرستيال محترم ملا عبدالغني برادر اخوند د ثور مياشتې په ۲۸مه نېټه د بغلان ولايت په مقام کې په افغانستان کې مېشتو د ملګرو ملتونو بېلابېلو ادارو له مسوولینو سره وکتل. د رياست الوزراء اقتصادي مرستيال په بغلان کې د وروستيو سېلابونو له امله د اوښتو زيانونو کچه زياته وبلله او د دغو ادارو له استازو څخه يې وغوښتل، څو له اسلامي امارت سره په همغږۍ د بغلان له سېلاب ځپلو سره د بشري مرستو ترڅنګ په پراختیایي برخو کې خپلې مرستې زياتې او چټکې کړي. د محترم ملا صاحب په خبره، د وروستيو سېلابونو له امله د بغلان ولايت په ځينو ولسواليو کې د خلکو پر هستوګنيزو کورونو سربېره، ۱۹روغتونونه، ۱۹ ښوونځي، ۱۱۵ پلچکونه، لسګونه د اوبو لوی او کوچني کانالونه او همدا راز ۶۰ کيلومتره سړک تخريب شوي، چې اساسي بيارغونې او پاک کارۍ ته اړتيا لري. په افغانستان کې مېشتو د ملګرو ملتونو د ادارو استازو د بغلان له سېلاب ځپلو سره خپله خواخوږي څرګنده کړه او د رياست الوزراء اقتصادي مرستيال ته يې پر بشري مرستو سربېره په پراختیایي برخو کې هم د مرستو او همکارۍ ډاډ ورکړ. دوى پر وخت د پېښو سيمو ته د اسلامي امارت د ژغورونکو ټيمونو له رسېدو ستاينه وکړه، چې په سيلاب کې بند پاتې کسان يې وژغورل. محترم ملا عبدالغني برادر اخوند پر ټولو نړيوالو مرستندويه ادارو غږ وکړ، چې په دغه سخت وضعيت کې دې د سېلاب ځپلو افغانانو لاس نیوی وکړي.

تازه خبرونه

شنبه ۱۴۰۳/۴/۲۳ - ۱۶:۲
Background image

د ننګرهار په حصار شاهي او شیخ مصري صنعتي پارکونو کې د لمریزې برېښنا د تولید طرحې د تایید وړ وبلل شوې

د پانګونې بین‌الوزارتي کمېټې نوبتي غونډې ته چې په مرمرینه ماڼۍ کې جوړه شوې وه، د ننګرهار په حصار شاهي او شیخ مصري صنعتي پارکونو کې په ترتیب سره ۴۰ – ۴۰ میګاواټه لمریزې برېښنا د تولید او. . .

شنبه ۱۴۰۳/۴/۲۳ - ۱۵:۴۲
Background image

د ګلبهار پاور خصوصي شرکت له لوري د ۱۰۰ میګاواټه ګازي برېښنا د تولید پر وړاندې شوې طرحه بحث وشو

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ جوړه شوې غونډه کې د ګلبهار پاور خصوصي شرکت له لوري د ۱۰۰ میګاواټه ګازي برېښنا د تولید پر وړاندې شوې طرحه بحث وشو.. . .

پنجشنبه ۱۴۰۳/۴/۲۱ - ۱۵:۱
Background image

د ریاست‌الوزراء اقتصادي مرستیال: د کابل په ګډون د هېواد په شپږو ولایتونو کې د صادراتو د پروسس زونونه جوړېږي

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳ لمریز کال سرطان میاشتې په ۲۱مه نېټه د صادراتو ملي ورځې په نمانځغونډه کې ګډون وکړ. د ریاست‌الوزراء اقتصادي. . .

BACK TO NEWS