د پانګونې بینالوزارتي کمېټې نوبتي غونډه ترسره شوه
د پانګونې بینالوزارتي کمېټې نوبتي غونډه د روان ۱۴۰۴ لمریز کال د سلواغې میاشتې په ۲۱مه نېټه په مرمرینه ماڼۍ کې ترسره شوه. دې غونډې ته د هرات ولایت په اسلام کلا بندر کې د تخلیې او بارګیرۍ طرحه د بحث لپاره وړاندې شوه. په اسلام کلا بندر کې د تخلیې او بارګیرۍ مرکز په جوړېدو سره به سوداګرو ته د صادراتي او وارداتي توکو په برخه کې ډېرې اسانتیاوې رامنځته شي.
له بحث وروسته ټاکل شوې کمېټې ته دنده وسپارل شوه، څو د یادې موضوع او په دې اړه د وړاندې شوې طرحې هراړخیزه څېړنه ترسره او خپل راپور د پانګونې بینالوزارتي کمېټې ته وړاندې کړي.
