هر شرکت د تیر (TIR) کنوانسیون د اصولو پر بنسټ افغانستان د تیر (TIR) عملیې د پيل او پای هېواد په توګه ټاکلی شي

د اقتصادي کمېسیون د تخنیکي کمېټې نوبتي غونډه په مرمرینه ماڼۍ کې ترسره شوه. غونډې ته له اجنډا سره سم د هېواد په ګمرکونو کې د تیر (TIR) عملیې د پيل او پای ټاکلو موضوع د بحث لپاره وړاندې شوه. له هراړخیز بحث وروسته نظر ورکړل شو، چې د تیر (TIR) کنوانسیون د اصولو پر بنسټ هر شرکت چې وغواړي افغانستان خپل د تیر (TIR) عملیې د پيل هېواد ټاکلی شي او د ګمرک له لوري یې د بار تر تشریح او قانوني پروسې وروسته له افغانستان څخه د تیر (TIR) عملیه پيل شي.

دغه نظر د نهايي تصمیم نیونې په موخه اقتصادي کمېسیون ته راجع شو.