د سوداګریزو مارکېټونو او معلوماتي ټکنالوژۍ پارک د جوړولو پر طرحو بحث وشو
د پانګونې بینالوزارتي کمېټې نوبتي غونډه د روان ۱۴۰۵ لمریز کال د حمل میاشتې په ۲۵مه نېټه په مرمرینه ماڼۍ کې جوړه شوه. دې غونډې ته د کابل ښار په یوولسمه ناحیه کې تر ځمکه لاندې د سوداګریز مارکېټ او په لومړۍ ناحیه کې هم د سوداګریز مارکېټ جوړولو او همداراز د معلوماتي ټکنالوژۍ پارک د جوړولو طرحې د بحث لپاره وړاندې شوې.
له بحث وروسته یادې طرحې اړوندو ادارو ته راجع شوې او سپارښتنه ورته وشوه، چې د پانګونې بینالوزارتي کمېټې د نظرونو په پام کې نیولو سره یې مالي او تخنیکي تحلیلونه ترسره او راپورونه یې په ټاکلو نېټو کمېټې ته وړاندې کړي.
