محترم ملا عبدالغني برادر اخوند په خپل کاري دفتر کې د ملګرو ملتونو د نشه‌يي توکو او جرمونو پر وړاندې د مبارزې ادارې پخواني اجرائیوي رئيس پينو الارچي سره وکتل

dpmea_admin
یکشنبه ۱۴۰۲/۱۲/۱۳ - ۱۱:۵۶
5U2A9887

د ریاست‌الوزراء اقتصادي مرستیال محترم ملا عبدالغني برادر اخوند په خپل کاري دفتر کې د ملګرو ملتونو د نشه‌يي توکو او جرمونو پر وړاندې د مبارزې ادارې پخواني اجرائیوي رئيس پينو الارچي سره وکتل. د دغه لیدنې پر مهال دواړو لورو په افغانستان کې د اسلامي امارت له لوري د نشه‌يي توکو پر وړاندې د ترسره شوې مبارزې او په دغه برخه کې د افغانستان او نړیوالې ټولنې پر راتلونکو ګډو همکاریو خبرې وکړې. محترم ملا عبدالغني برادر اخوند وویل، اسلامي امارت د تېرو څه باندې دوه نیمو کلونو پر مهال په افغانستان کې د نشه‌يي توکو د کښت او قاچاق پر وړاندې جدي مبارزه وکړه، چې اوسمهال یې د تولید او قاچاق کچه تقریبا صفر ته رسېدلې. محترم ملا صاحب زیاته کړه، اسلامي امارت په زرګونو پر نشه‌يي توکو روږدي کسان د درملنې په موخه راټول کړل، په ښه ډول یې د هغوی درملنه وکړه او د کاري زمینې برابرولو په پار یې ورته د حرفوي زده‌کړو پروګرامونه پيل کړي دي. د محترم ملا صاحب په خبره، په افغانستان کې د یو خپلواک نظام او سرتاسري امنیت په راتلو سره د نشه‌يي توکو د بدیلو کښتونو د ترویج لپاره ښه زمینه برابره شوې او نړیوال سازمانونه کولای شي په دغه برخه کې له افغانانو سره همکاري وکړي. د ملګرو ملتونو د نشه‌يي توکو او جرمونو پر وړاندې د مبارزې ادارې پخواني اجرائيوي رئيس د نشه‌يي توکو پر وړاندې د اسلامي امارت مبارزه وستایله او وویل، چې نړیواله ټولنه مکلفیت لري، چې افغان بزګرانو ته د کوکنارو د بدیلو کښتونو وړاندې کولو په برخه کې له اسلامي امارت سره ګډه همکاري وکړي. پينو الارچي زیاته کړه، دوی غواړي چې په نږدې راتلونکي کې په کابل کې نړیوال کنفرانس جوړ کړي او د دغه کنفرانس له لارې افغان بزګرانو ته د بدیلو کښتونو وړاندې کولو په برخه کې د نړیوالو مالي ملاتړ راجلب کړي.

تازه خبرونه

یکشنبه ۱۴۰۴/۴/۱ - ۱۶:۲۰
Background image

د افغانستان اسلامي امارت اقتصادي پالیسي تایید شوه

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د اقتصادي کمېسیون نوبتي غونډه ترسره شوه. غونډه نن د روان ۱۴۰۴ لمریز کال د سرطان میاشتې په لومړۍ نېټه په مرمرینه. . .

شنبه ۱۴۰۴/۳/۳۱ - ۱۳:۴۴
Background image

د سټنډرډ عالي شورا د نفتي توکو په برخه کې ۵۷ سټنډرډونه او ازمایښتي کړنلارې تصویب کړې

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د سټنډرډ عالي شورا څلورمه فوق‌العاده غونډه نن د روان ۱۴۰۴ لمریز کال د جوزا میاشتې په ۳۱مه نېټه په مرمرینه ماڼۍ کې. . .

چهارشنبه ۱۴۰۴/۳/۲۸ - ۱۵:۱۳
Background image

د ملي تدارکاتو کمېسیون نوبتي غونډه ترسره شوه

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د ملي تدارکاتو کمېسیون نوبتي غونډه ترسره شوه. دغه غونډه نن د روان ۱۴۰۴ لمریز کال د جوزا میاشتې په ۲۸مه نېټه په. . .

BACK TO NEWS