د ریاست الوزراء اقتصادي مرستیال محترم ملا عبدالغني برادر اخوند له ملي پراختیا شرکت څخه لیدنه وکړه
د ا.ا.ا د ریاست الوزراء اقتصادي مرستیال محترم ملا عبدالغني برادر اخوند دملي پراختیا شرکت له بېلا بېلو برخو لیدنه وکړه او د هېواد د بیارغونې په برخه کې یې د دې شرکت کړنې وستایلې. د ریاست الوزراء اقتصادي مرستیال وویل: ملي پراختیا شرکت په کم وخت کې ښې لاسته راوړنې لري او نړۍ ته یې د اسلامي نظام او افغانانو وړتیاوې په ښه ډول ښکاره کړې. محترم ملا عبدالغني برادر اخوند د ملي پراختیا شرکت د هڅو د ستاینې تر څنګ له خپل اړخه د هر ډول مرستې او همکارۍ ډاډ ورکړ. د ملي پراختیا شرکت اجرائیوي رئیس محترم عبدالرحمن عطاش، د محترم ملا عبدالغني برادر اخوند له ورتګ څخه مننه وکړه او ډاډ یې څرګند کړ، چې ملي پراختیا شرکت د هېواد د آبادۍ او په ځان بسیا کېدو لپاره هراړخیز پلانونه لري او په ځینو یې عملاً کار روان دی.
