د ټاپ پروژې سکرتریت جوړېدل او یوشمېر نور اقتصادي موضوعات تایید شول
پېښو سره د مبارزې عالي امارتي کمېسیون په تخنیکي غونډه کې د سکتوري وزارتونو او ادارو پر همکارۍ، د مرستندویه موسسو له لوري د پروژو پر پلي کولو، د مرستو د وېش او په دې برخه کې د ښې همغږۍ رامنځته کولو پر موضوع هر اړخیز بحث وشو. د غونډې ګډونوالو په دې اړه په خپلو نظرونو کې وویل، چې د لا ښې همغږۍ رامنځته کولو له پاره په کار ده چې د پروژو د ښه عملي کېدو او د اړتیاوو پوره کېدو په موخه دې ټول سکتوري وزارتونه او ادارې خپل پلانونه چمتو کړي، څو یې له مخې په کارونو کې چټکتیا او پوره همغږي رامنځته شي. دغه راز په دې برخه کې د کابینې د پرېکړې پر اساس د چمتو شوې کړنلارې پر عملي کېدو هم ټینګار وشو او وویل شول چې په یاده کړنلاره کې د تعدیل راوستلو په برخه کې دې د اړوندو وزارتونو او ادارو نظر واخیستل شي. د غونډې په پای کې پرېکړه وشوه چې یاد نظرونه دې تر توحید وروسته د اقتصادي معاونیت پېښو سره د مبارزې عالي امارتي کمېسیون ته وسپارل شي، ترڅو د وروستۍ تصمیمنیونې په موخه د پېښو سره د مبارزې عالي امارتي کمېسیون له مشرتابه سره شریک شي.
