محترم ملا عبدالغني برادر اخوند په بغلان کې له سیمه ییزو مسوولینو سره وکتل
محترم ملا عبدالغني برادر اخوند د بغلان ولایتي مسوولینو، د ژغورنې ټیمونو او مرستندویه ادارو له استازو سره د روان لمریز کال د ثور میاشتې په ۲۳مه نېټه د بغلان ولایت په مقام کې وکتل. د ریاستالوزراء اقتصادي مرستیال په بغلان ولایت کې د وروستۍ پېښې د قربانیانو له کورنیو سره د بېړنیو مرستو، د ټپیانو عاجلې درملنې، د خوراکي توکو او موقتي سرپناه برابرولو په اړه سیمهییزو مسوولینو او اړوندو مرستندویه ادارو استازو ته لازمې لارښوونې وکړې. محترم ملا صاحب تېره شپه بغلان ولایت ته له رسېدو سره سم له سیمه ییزو مسوولینو سره د لیدنې پر مهال وویل، پېښو ته د رسېدنې عالي امارتي کمېسیون له لوري د ژغورنې، روغتیا او ټپیانو د درملنې، د بېړنیو خوراکي توکو رسولو، سرپناه برابرولو، د مرستو جلب او جذب او همدارنګه د تکفین او تدفین په موخه جوړو شوو کمېټو پر فعالیت پیل کړی دی.
