د ریاست الوزراء اقتصادي معاونیت میاشتنۍ (ابادي) یوولسمه ګڼه چاپ شوه
په دې ګڼه کې د اقتصادي معاونیت له لوري په بېلابېلو برخو کې د ترسره شوو فعالیتونو په اړه راپورونه خپاره شوي. ابادي میاشتنۍ د موضوعاتو له مخې اساساً څلور برخې لري. په لومړۍ برخه کې د ملي تدارکاتو کمېسیون، اقتصادي کمېسیون تخنیکي کمېټې او د پانګونې بین الوزارتي کمېټې د غونډو، په دوهمه برخه کې د لویو پروژو د پرانیستې او مهمو کنفرانسونو کې د اقتصادي مرستیال د ګډون، په درېیمه برخه کې له محترم ملا عبدالغني برادر اخوند سره د کورنیو او بهرنیو استازو او په څلورمه برخه کې د مهمو اقتصادي موضوعاتو په اړه خبري راپورونه خپاره شوي دي. د مجلې په وروستۍ برخه کې د مهمو اقتصادي موضوعاتو په اړه د لیکل شویو موضوعاتو خلاصه په انګلیسي ژبه راوړل شوې ده.
د ابادي میاشتنۍ یوولسمه ګڼه د لاندې لېنک په کېکاږلو سره لوستلی او ډاونلوډ کولی شئ:
shorturl.at/vncrs
