د محترم ملا عبدالغني برادر اخوند په مشرۍ د اسلامي امارت لوړپوړی پلاوی تاشکند ته ورسېد

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د اسلامي امارت لوړپوړی پلاوی چې د کابینې یوشمېر محترم غړي او د سکټوري ادارو استازي په‌کې شامل دي، نن غرمه مهال د ازبیکستان پلازمېنې تاشکند ته ورسېد. په تاشکند نړیوال هوايي ډګر کې د ازبیکستان هیواد د لومړي وزیر مرستیال محترم جمشید خواجه یوف، د افغانستان لپاره د دغه هېواد د ولسمشر ځانګړي استازي محترم عصمت‌الله ایرګاشېف او په ازبیکستان کې د اسلامي امارت سفیر محترم شیخ عبدالغفار بحر له لوري د اسلامي امارت لوړپوړي پلاوي هر کلی وشو.