د ریاست الوزراء اقتصادي مرستیال محترم ملا عبدالغني برادر اخوند پر سوالګرو د مرستو وېش په تړاو جوړه شوې غونډه کې ګډون او وینا وکړه

dpmea_admin
یکشنبه ۱۴۰۲/۱/۶ - ۱۷:۱۱
WhatsApp Image 2023-03-27 at 9.23.32 AM

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ په کابل ښار کې د سوالګرو راټولولو کمېټې له لوري پر 2000 سوالګرو نغدي او د خوراکي توکو مرستې ووېشل شوې. محترم ملا صاحب په همدې مناسبت جوړې شوې غونډې ته د خپلو خبرو پر مهال د سوالګرو راټولولو پروسه مهمه وبلله او زیاته یې کړه، چې اسلامي امارت ته د ولس او په تیره بیا د بې وزلو هېوادوالو لاسنیوی مهم دی. په همدې خاطر اسلامي امارت د افغانستان د پرمختګ او د خلکو د اقتصادي ستونزو د هواري له پاره هڅې کوي. د ریاست‌الوزراء اقتصادي مرستیال زیاته کړه چې د سوالګرو راټولولو کمېټه به خپل کار ته دوام ورکړي او په راټولو شویو مستحقو سوالګرو به د مرستو د وېش لړۍ هم دوام ولري. محترم ملا صاحب پر مرستندویه ټولنو او ملي سوداګرو غږ وکړ چې د افغانستان د اړمنو خلکو لاسنیوی وکړي او له هغوی څخه خپلې مرستې ونه سپموي. د ریاست الوزراء اقتصادي مرستیال یو ځل بیا له بې وزلو هېوادوالو او په تېره بیا له کابل ښار څخه د راټولو شویو مستحقو سوالګرو سره د اسلامي امارت له لوري د مرستو د دوام ډاډ ورکړ.

تازه خبرونه

یکشنبه ۱۴۰۳/۱/۵ - ۱۹:۵
Background image

د ملت سټیل اوسپنې ویلې کولو فابریکې دوهم او درېیم فازونو پرانیسته وشوه

د ملت سټیل اوسپنې ویلې کولو فابریکې د ګول سیخونو دوهم او اوسپنیزو ګاډرو د تولید درېیم فازونه نن د ۱۴۰۳ لمریز کال د وري میاشتې په پنځمه نېټه د یولړ ځانګړو مراسمو په ترڅ کې د ریاست. . .

یکشنبه ۱۴۰۳/۱/۵ - ۱۲:۵۰
Background image

د مالیې، اوبو او انرژۍ وزارتونو، د افغانستان برېښنا شرکت او خصوصي سکټور ترمنځ د شاوخوا څلور میلیارده افغانیو په ارزښت د څلورو پروژو تړونونه لاسلیک شول

د ریاست الوزراء اقتصادي مرستیال محترم ملا عبدالغني برادر اخوند په حضور کې د روان لمریز کال د وري میاشتې په ۵ مه نېټه د مالیې، اوبو او انرژۍ وزارتونو، د افغانستان برېښنا شرکت او خصوصي. . .

پنجشنبه ۱۴۰۳/۱/۲ - ۱۳:۴۰
Background image

د ریاست الوزراء اقتصادي مرستیال: له هېوادوالو غواړم چې په خپلو سیمو کې نیالګي کېنوي او پاللو ته یې پاملرنه وکړي

د ریاست الوزراء اقتصادي مرستیال محترم ملا عبدالغني برادر اخوند د روان لمریز کال د وري میاشتې په دوهمه نېټه د ارګ په انګړ کې د نیالګي کېنولو پر مهال له هېوادوالو او په ځانګړي توګه له. . .

BACK TO NEWS