په اسلام کلا بندر کې د لس زره ټنه په ظرفیت د نفتو او ګازو د زېرمو جوړولو طرحه د تایید وړ وبلل شوه
د پانګونې بینالوزارتي کمېټې نوبتي غونډه د ۱۴۰۵ کال د میزان میاشتې په اوومه نېټه په مرمرینه ماڼۍ کې جوړه شوه. غونډې ته د هرات ولایت په اسلام کلا بندر کې د نفتو او ګازو د تخلیې او بارګیرۍ تأسیساتو جوړولو طرحه وړاندې شوه، چې له هر اړخیز بحث وروسته د تایید وړ وبلل شوه. د دغې طرحې له مخې به خصوصي سکتور په اسلام کلا بندر کې د لس زره ټنو په ظرفیت د نفتو او ګازو زېرمې او نور اړوند تأسیسات جوړ کړي. د دې پروژې په بشپړېدو سره به د نفتو او ګازو سوداګرو ته په هېواد کې دننه اسانتیاوې برابرې، لګښتونه به یې کم او شاوخوا درې زره هېوادوالو ته به د کار زمینه هم برابره کړي.
