د ریاست الوزراء اقتصادي مرستیال د تخار ولایت له علماوو او قومي مشرانو سره وکتل

masih_admin
پنجشنبه ۱۴۰۳/۱۰/۱۳ - ۱۳:۴۵
The Deputy Prime Minister for Economic Affairs Meets with Ulamas and Tribal Leaders from Takhar

د ریاست‌الوزراء اقتصادي مرستیال محترم ملا عبدالغني برادر اخوند نن د روان لمریز کال د جدې میاشتې په ۱۳مه نېټه په خپل کاري دفتر کې د تخار ولایت له علماوو او قومي مشرانو سره په لیدنه کې د هغوی ستونزې واورېدې.

د دغه لیدنې پر مهال د تخار علماوو او قومي مخورو خپلې ستونزې د ریاست‌الوزراء له اقتصادي مرستیال سره شریکې او د هغو د حل غوښتنه یې وکړه. محترم ملا عبدالغني برادر اخوند وویل، چې اسلامي امارت د ولس نظام دی، د ولس خدمت او ستونزو ته رسېدنه د اسلامي امارت د مسوولینو مسوولیت دی او په پوره اخلاص او صداقت سره یې ترسره کوي.

د تخار علماوو او قومي مشرانو په یاد ولایت کې د اسلامي امارت له لوري په بېلابېلو برخو کې د پرمختیايي کارونو ستاینه وکړه او ویې ویل، د دغو کارونو په ترسره کېدو سره تر ډېره حده د هېوادوالو ستونزې حل شوې او د نن ورځې په ناسته کې د مطرح شویو ستونزو په هوارېدو  سره به د تخار ولایت ولسونو ته لا ښې اسانتیاوې رامنځته او له خدماتو به برخمن شي. په پای کې محترم ملا صاحب د شریکو شویو ستونزو د حل ډاډ ورکړ او زیاته یې کړه، چې اړوندو ادارو ته به په دې اړه لازمې لارښوونې وکړي.

تازه خبرونه

شنبه ۱۴۰۴/۱/۹ - ۱۱:۲۶
Background image

۱۴۰۴ کال کې به په یوشمېر ولایتونو کې د اوبو بندونو د امکان سنجۍ مطالعاتو پروژې پيل شي

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د اقتصادي کمېسیون نوبتي غونډه په مرمرینه ماڼۍ کې ترسره او له اجنډا سره سم د وړاندې شوو موضوعاتو په اړه بحث وشو.

د. . .

پنجشنبه ۱۴۰۴/۱/۷ - ۱۳:۴۵
Background image

د ۲۰.۷ میلیاردو افغانیو په پانګونې سره د برېښنا د تولید او انتقال پروژو قراردادونه لاسلیک شول

د ریاست‌الوزراء اقتصادي مرستیال محترم ملا عبدالغني برادر اخوند په حضور کې نن د روان ۱۴۰۴ لمریز کال د وري میاشتې په اوومه نېټه د حکومت د اطلاعاتو او رسنیو مرکز کې د افغانستان برېښنا شرکت. . .

یکشنبه ۱۴۰۴/۱/۳ - ۱۶:۱۴
Background image

د ریاست الوزراء اقتصادي مرستیال د هېواد د سمسورتیا په موخه د ارګ په انګړ کې نیالګی کیناوه

د ریاست الوزراء اقتصادي مرستیال محترم ملا عبدالغني برادر اخوند نن د روان ۱۴۰۴ لمریز کال د وري میاشتې په درېیمه نېټه د ارګ په انګړ کې د هېواد د سمسورتیا په موخه  نیالګی کېناوه. محترم ملا. . .

BACK TO NEWS