د رياست الوزراء اقتصادي مرستیال محترم ملا عبدالغني برادر اخوند د ټاپي پروژې تطبيق کوونکي شرکت (ترکمن ګاز) له مسوولينو سره وکتل.
د ترکمن ګاز شرکت مسوولینو د افغانستان په خاوره کې د ټاپي پروژې د کاري پرمختګونو په اړه معلومات شريک کړل. دوى وویل، اوسمهال د افغانستان په خاوره کې د ټاپي پروژې چارې ۱۴ کيلومتره پرمخ تللې دي او ۷۰ کيلومتره نوره فاصله هم د پايپ غځولو لپاره چمتو شوې ده.
د ترکمن ګاز شرکت مسوولينو زیاته کړه، د ۳۰ کيلومترو لپاره پايپونه جوړ شوي چې په راتلونکې مېاشت کې به يې د نصب او غځولو چارې بشپړې شي.
د دوی په خبره چې د افغانستان په خاوره کې د ټاپي پروژې کارونه په ښه ډول روان دي او اسلامي امارت ورته هر ډول اسانتياوې برابرې کړې دي. دغو مسوولینو داهم وویل چې په راتلونکي يو کال کې به په افغانستان کې ددغه مهمې سيمه ييزې پروژې چارې بشپړې کړي.
محترم ملا صاحب د دوى د ترسره شوو کارونو ستاينه وکړه او د پروژې د چارو پر کيفيت يې ټينګار وکړ
