د ریاستالوزراء اقتصادي مرستیال محترم الحاج ملا عبدالغني برادر اخوند نیمروز ولایت ته سفر وکړ
د ریاستالوزراء اقتصادي مرستیال محترم الحاج ملا عبدالغني برادر اخوند نیمروز ولایت ته سفر وکړ. محترم الحاج ملا عبدالغني برادر اخوند د یاد ولایت مسوولینو په ملتیا د کمال خان بند اړوند چارې له نېږدې وکتلې او مسوولينو ته يې د چارو د لاښه والي په موخه لازمې سپارښتنې وکړې. محترم الحاج ملا عبدالغني برادر اخوند کمال خان بند ملي او حياتي پروژه وبلله او د رامنځته شويو نوښتونو له امله یې د مسوولينو د هڅو قدرداني وکړه.
