د ریاست‌الوزراء اقتصادي مرستیال محترم ملا عبدالغني برادر اخوند د روسیې فدراسیون د ولسمشر له سلاکار سره وکتل

dpmea_admin
یکشنبه ۱۴۰۲/۱۱/۲۲ - ۱۸:۳۳
5U2A8870

د ریاست‌الوزراء اقتصادي مرستیال محترم ملا عبدالغني برادر اخوند د روان لمریز کال د سلواغې میاشتې په ۲۲مه نېټه له غرمې وروسته د روسیې فدراسیون د ولسمشر سلاکار او د اقلیم په برخه کې د ولسمشر ځانګړي استازي ښاغلي روسلان عادلګیرییف سره په خپل کاري دفتر کې وکتل. د دغه لیدنې پر مهال چې په کابل کې د روسیې فدراسیون سفیر ښاغلي دیمیتري ژیرنوف هم حضور درلود، د افغانستان اسلامي امارت او روسیې فدراسیون ترمنځ پر دوو اړخیزو اقتصادي او سوداګریزو همکاریو، په افغانستان کې د روسي پانګوالو پر پانګونې، د اقلیمي بدلون په برخه کې پر ګډې همکارۍ او د افغانستان او روسیې ترمنځ د سیاسي اړیکو پر پراخوالي خبرې وشوې. د ریاست‌الوزراء اقتصادي مرستیال وویل، افغانستان او روسیه ښې سیاسي – اقتصادي اړیکې لري او دواړه لوري باید په ګډه د یادو اړیکو پراخېدو لپاره هڅې وکړي او چا ته اجازه ور نه کړي، چې دغو اړیکو ته زیان ورسوي. محترم ملا صاحب زیاته کړه، اوسمهال په افغانستان کې د امنیت په ټینګېدو سره تر بل هر وخت د پانګونې لپاره ښه زمینه برابره شوې او روسي پانګوال کولای شي دلته په بېلابېلو برخو کې پانګونه وکړي. محترم ملا صاحب د اقلیمي بدلون په نړیوالو غونډو کې د افغانستان د استازي پر حضور ټینګار وکړ او زیاته یې کړه، افغانستان په نړۍ کې د هغو هېوادونو له جملې څخه دی، چې د اقلیمي بدلون له امله ورته ډېر زیان رسېدلی او د دغه زیان په بدل کې ورسره هېڅ ډول همکاري نه ده شوې.   ښاغلي روسلان عادلګیرییف په افغانستان کې له راغلو پرمختګونو ستاینه وکړه او ویې ویل چې د افغانستان د وروستیو پرمختګونو رښتینی انځور به د روسیې له حکومت او خلکو سره شریک کړي. نوموړي زیاته کړه چې په افغانستان کې د بشپړ امنیت په راتلو سره ډېری روسي پانګوال چمتو دي، چې دلته په مختلفو برخو کې پانګونه وکړي.

تازه خبرونه

پنجشنبه ۱۴۰۳/۳/۳ - ۱۴:۳۴
Background image

محترم ملا عبدالغني برادر اخوند د قطر د بهرنیو چارو وزارت له مرستیال سره وکتل

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳ لمریز کال د غبرګولي میاشتې په درېیمه نېټه په خپل کاري دفتر کې د قطر د بهرنیو چارو وزارت له مرستیال محمد بن. . .

پنجشنبه ۱۴۰۳/۳/۳ - ۱۳:۵۱
Background image

د ا.ا.ا د ریاست الوزراء اقتصادي مرستیال په مشرۍ لوړ رتبه امارتي پلاوي د ایران اسلامي جمهوریت د جمهور رئیس د فاتحې په مراسمو کې ګډون وکړ

د محترم ملا عبدالغني برادر آخوند  په مشرۍ لوړپوړي امارتي پلاوي، چې د بهرنیو چارو وزیر محترم مولوي امیرخان متقي یې ملتیا کوله د روان ۱۴۰۳ لمریز کال د جوزا میاشتې په دوهمه نېټه د ایران. . .

چهارشنبه ۱۴۰۳/۳/۲ - ۱۵:۵۳
Background image

د حیرتان بندر اړوند نایب آباد سټېشن کې پر نړیوالو معیارونو برابر سوداګریز مرکز جوړېږي

د پانګونې بین‌الوزارتي کمېټې نوبتي غونډې ته چې د روان ۱۴۰۳ لمریز کال د غبرګولي میاشتې په لومړۍ نېټه په مرمرینه ماڼۍ کې جوړه شوې وه، د خصوصي سکټور له لوري د حیرتان بندر اړوند نایب آباد. . .

BACK TO NEWS