د ریاستالوزراء اقتصادي معاونیت د هڅو په پایله کې یوشمېر افغانان د متحده عربي اماراتو له زندان خوشي شول
نېټه: 2022، اګسټ 6مه
څه موده وړاندې د ریاستالوزراء اقتصادي مرستیال الحاج ملا عبدالغني برادر اخوند متحده عربي اماراتو ته د خپل سفر پر مهال د هغه هېواد له چارواکو وغوښتل چې په متحده عربي اماراتو کې بندي افغانان خوشي کړي.
د الحاج ملا عبدالغني برادر اخوند له یادې غوښتنې سره هغوی موافقه وکړه، چې له امله یې نن 12 کسان آزاد او خپل هېواد ته راستانه شول. دغه بندیان چې شمېر یې لسګونو کسانو ته رسېږي، ډېر ژر به یې نور هم آزاد او خپل هېواد ته راستانه شي.