ملا عبدالغني برادر اخوند د خصوصي سکتور او صنعتکارانو لخوا له جوړ شوي نندارتون څخه لیدنه وکړه
نېټه: د 2021 کال د ډسمبر 15مه
د افغانستان اسلامي امارت د ریاستالوزراء لومړي مرستیال ملا عبدالغني برادر اخوند د خصوصي سکتور او صنعتکارانو لخوا له جوړ شوي نندارتون څخه لیدنه وکړه. محترم ملا صاحب د خصوصي سکتور او صنعتکارانو تولیدات وستایل او ویې وویل: «د افغانستان اسلامي امارت هڅه کوي چې د داخلي تولیداتو لپاره پر کور دننه سربېره، له هیواده بهر هم ښه بازارموندنه وکړي.»
ملا عبدالغني برادر اخوند دوی ته د هر ډول ستونزو د حل ډاډ ورکړ او له افغانانو یې وغوښتل چې د بهرنیو تولیداتو پر ځای خپل داخلي تولیدات وکاروي.
