پېښو ته د رسېدو کمېسیون خپله لومړنۍ ناسته ترسره کړه
نېټه: د 2022 کال د جنوري 5مه
د ریاستالوزراء د لومړي مرستیال ملا عبدالغني برادر اخوند په مشرۍ پېښو ته د رسېدو کمېسیون خپله لومړنۍ ناسته ترسره کړه. د دغه کمېسیون مشر ملا عبدالغني برادر اخوند د کمېسیون اړوندو وزارتونو او ادارو ته امر وکړ، چې د وروستیو اورښتونو له امله دې زیانمنو شویو خلکو ته بیړنۍ مرستې ورسوي.
محترم ملاصاحب پېښو ته د رسېدو کمېسیون ټولو ارګانونو ته سپارښتنه وکړه، چې په راتلونکي کې دې د طبیعي پېښو د رامنځته کېدو پر مهال هیوادوالو ته د مرستو رسولو لپاره پوره چمتووالی ونیسي.