د جواز سیر او لایسنس د الکترونیکي کېدو پر طرحه بحث وشو
د اقتصادي کمېسیون تخنیکي کمېټې نوبتي غونډه د روان ۱۴۰۳ لمریز کال د ثور میاشتې په لسمه نېټه په مرمرینه ماڼۍ کې ترسره شوه. په دغه غونډه کې له اجنډا سره سم د جواز سیر او لایسنس د الکترونیکي کېدو پر طرحه او یوشمېر نورو موضوعاتو هراړخیز بحثونه وشول. په غونډه کې تر هراړخیز بحث وروسته د احصایې او معلوماتو ملي ادارې کاري فشار ته په کتو اقتصادي کمېسیون ته وړاندیز وشو، چې د جواز سیر او لایسنس الکترونیکي چاپ دې د ترافیکو عمومي ریاست ته وسپارل شي. د ترافیکو عمومي ریاست دې د کورنیو چارو وزارت په همغږۍ ژر تر ژره د عامه مشارکت له لارې د جواز سیر او لایسنس الکترونیکي پروسه پيل او د تاییدۍ لپاره یې د اقتصادي کمېسیون ته وړاندې کړي.
