د فلای دوبۍ هوایي شرکت کابل ته خپلې الوتنې بېرته پیل کړې
د ریاستالوزراء اقتصادي معاونیت او د ترانسپورت او هوایي چلند وزارت د پرلهپسې هڅو په پایله کې له شاوخوا دوه کلونو وروسته د فلای دوبۍ پروازونه افغانستان ته بیا پيل او د روان لمریز کال عقرب میاشتې په ۲۴مه نېټه یې لومړی پرواز کابل نړیوال هوايي ډګر ته ترسره شو. کابل ته د فلای دوبۍ پروازونو پيل ښيي چې د افغانستان فضاء د هر ډول پروازونو لپاره خوندي او عادي حالت ته راګرځېدلې او د افغانستان په ټولو هوايي ډګرونو کې اړین سهولتونه برابر او په معیار برابر خدمتونه وړاندې کېږي. افغانستان ته د فلای دوبۍ پروازونو پیل به د هوايي شرکتونو ترمنځ د مناسب نرخونو په ټاکلو کې سالم رقابت ته لاره هواره کړي.
