پېښو ته د رسېدو کمېسیون خپله دویمه ناسته ترسره کړه
نېټه: د 2022 کال د جنوري 13مه
د ریاستالوزراء د لومړي مرستیال ملا عبدالغني برادر اخوند په مشرۍ پېښو ته د رسېدو کمېسیون خپله دویمه ناسته ترسره کړه. په دغه ناسته کې هم د تېر په څېر د وروستیو اورښتونو له امله د زیانمنو شویو خلکو د ستونزو په حل خبرې اترې وشوې.
ملا صاحب د دغه کمېسیون د ټولو ارګانونو کارونه و ارزول او اړوندو مسؤلینو ته یې سپارښتنه وکړه، چې د طبیعي پېښو په سبب د خلکو د ستونزو په حل کولو کې دې کوټلي ګامونه واخلي. پر دې سربېره يې ټینګار وکړ، چې د ولس خدمت او د هغوی د مشکلاتو حل کول زموږ لومړيتوب دی او باید پوره پام ورته وشي.
