اقتصادي کمېسیون هیواد ته د واردېدونکو توکو د کیفیت د کنټرول لپاره اړوندو ارګانونو ته دنده وسپارله
نېټه: د 2022 کال د فبروري 20مه
د ریاستالوزراء د لومړي مرستیال ملا عبدالغني برادر اخوند په مشرۍ اقتصادي کمېسیون افغانستان ته د واردېدونکو خوراکي توکو او درملو د کیفیت د کنټرول لپاره اړوندو وزارتونو او ادارو ته دنده وسپارله، څو په دغه برخه کې مؤثر ګامونه واخلي.
اقتصادي کمېسیون همدا راز پرېکړه وکړه، چې هیواد ته د واردېدونکو نفتي موادو او مایع ګاز د کیفیت او قېمتونو د کنټرول لپاره باید «د نفتي موادو او مایع ګاز دولتي شرکت»، مربوطه وزارتونو او سټنډرډ ملي ادارې لخوا یوه ګډه کمېټه جوړه شي.
همدارنګه د اقتصادي کمېسیون لخوا پر شرکتونو د ترانسپورټي اتحادیو اړولو وړاندیز هم تائید شو.
