د رياستالوزراء لومړي مرستيال د ازبیکستان د ولسمشر له اقتصادي مرستيال سره وکتل
نېټه: د 2022 کال د فبروري 22مه
د رياستالوزراء لومړي مرستيال ملا عبدالغني برادر اخوند د ازبیکستان د ولسمشر له اقتصادي مرستيال سردار عمر زاکوف سره په چهارچنار ماڼۍ کې وکتل او په افغانستان کې یې د لويو اقتصادي پروژو پرپيل، د ريل پټلۍ پرجوړولو، د برښنا پرتوليد او سوداګرۍ ورسره خبرې وکړې. محترم ملاصاحب وويل: په افغانستان کې اوسمهال د پانګونې لپاره شرايط برابر شوي او ازبیکستان کولى شي د قرمز-مزارشريف-پېښور- کابل ريل پټلۍ او د پلخمري د (۵۰۰) کيلوواټه برښنا د ترميم په برخه کې پانګونه وکړي.
ښاغلي عمر زاکوف د خپلو خبرو پر مهال وويل، دوى چمتو دي چې راتلونکې مارچ مياشت کې د قرمز-مزارشريف- پېښور- کابل ريل پټلۍ لومړنۍسروې ترسره او په نږدې وخت کې به د پلخمري د برښنا د توليد چارې هم پيل کړي.
محترم ملاصاحب د ازبیکستان له لوري د هوايي چلند او هوايي ډګرونو د کنټرول او تنظیم په موخه، ازبیکستان کې د ۸۴ افغانانو له مسلکي روزنې هم ستاینه وکړه، چې لومړۍ ۱۲کسیزه ډله به یې راتلونکې شنبې دغه هیوادته لاړه شي.
