وضاحت

نېټه: 2022، جولای 8مه

کله چې د مې د میاشتې په ۱۶ محترم ملا عبدالغني برادر اخوند متحده عربي اماراتو ته سفر وکړ، هلته یې د اماراتو له مسئولینو غوښتنه وکړه چې له دوی سره چې څومره افغانان بندیان دي هغوی دې خوشي کړي. هغوی هم ژمنه وکړه او پر دې پروسه یې کار پیل کړ.

ټاکلې وه چې د هغو افغان بندیانو له جملې څخه 75 تنه نن په یوه چارټر الوتکه کې را انتقال او په کابل کې یې ا.ا ته وسپاري. خو دغه کار د یو عارض له امله معطل شو او له اختر سمدستې وروسته به ترسره او یاد بندیان به چې د دوسیو ټولې چارې یې بشپړې شوي دي، افغانستان ته را انتقال کړي. د افغانستان اسلامي امارت مشرتابه تل د افغانانو د بهبود په فکر کې وي، هڅه کوي چې افغانان خپل کور ته راستانه شي او د عزت سرلوړی ژوند ولري، او په هېواد کې دننه او بهر د هغوی هوسا ژوند تضمین کړي.