الحاج ملا عبدالغني برادر اخوند له جبرائیل عمر سره وکتل
نېټه: 2022، اګسټ 20مه
د ریاستالوزراء اقتصادي مرستیال الحاج ملا عبدالغني برادر اخوند نن په خپل کاري دفتر کې په افغانستان کې د پخواني امریکايي پوهنتون له استرالیایي استاد جبرائیل عمر سره وکتل.
د ریاستالوزراء اقتصادي مرستیال جبرائیل عمر ته افغانستان ته د ښهراغلاست ویلو تر څنګ، نوموړي ته د اسلام پر مبارک دین باندې د مشرف کېدو مبارکي هم ورکړه او دا یې د ده لپاره ویاړ او نېکمرغي وبلله.
جبرائیل عمر په افغانستان کې د اسلامي امارت په حاکمېدو خوښي څرګنده کړه او وویل، الله تعالی پر افغانانو خپل لوی نعمت پیرزو کړئ، چې له شلو کلونو وروسته یې په هېواد کې شرعي نظام حاکم او بشپړ امنیت تأمین شوی دی.
