د ریاست‌الوزراء اقتصادي مرستیال محترم ملا عبدالغني برادر اخوند د قوش‌تېپې کانال څخه د لیدنې په موخه بلخ ولایت ته سفر وکړ

dpmea_admin
پنجشنبه ۱۴۰۱/۱۲/۱۸ - ۱۴:۴۸
Fqt9QfRWAAAt49p

د ریاست‌الوزراء اقتصادي مرستیال محترم ملا عبدالغني برادر اخوند د قوش‌تېپې کانال څخه د لیدنې په موخه بلخ ولایت ته سفر وکړ. د یاد کانال څخه د لیدنې پر مهال د ریاست‌الوزراء د اقتصادي مرستیال تر څنګ، د ریاست الوزراء اداري مرستیال محترم مولوي عبدالسلام حنفي صاحب، د مخابراتو او معلوماتي ټکنالوژۍ وزیر مولوي نجیب الله حقاني، د کرنې، اوبو لګولو او مالدارۍ وزارت مرستیال مولوي صدر اعظم، د کورنیو چارو وزارت مرستیال محترم محمد ابراهیم صدر ، د روغتیا وزارت مرستیال مولوي محمد اسحق، د افغانستان بانک مرستیال نور احمد آغا، د ننګرهار والي حاجي ګل محمد، د بلخ والي مولوي محمد داود مزمل، د سمنګان والي حاجي فضلي صاحب، د بلخ د قول اردو مسئول مولوي مطیع صاحب او نورو لوړ پوړو دولتي چارواکو هم ګډون کړی و. محترم ملا عبدالغني برادر اخوند د یاد کانال څخه د لیدنې پر مهال وویل: زموږ د نني سفر موخه د قوش‌تېپې کانال له کاري پرمختګونو څخه لیدنه ده، چې الحمدالله کارونه یې د ملي پراختیا شرکت په رهبرۍ او سالم مدیریت له امله د پلان سره سم پر مخ روان دي. محترم ملا صاحب د قوش تېپې کانال څخه د لیدنې پر مهال وویل، د افغانستان اسلامي امارت د قوش‌تېپې کانال پلي کېدو ته ژمن دی او زموږ د نني راتګ له موخو څخه یوه هم دا وه تر څو خپل ملت ته ډاډ ورکړو چې موږ د دې ملي او حیاتي پروژې تکمیلېدو او په هر صورت پای ته رسولو ته ژمن یو. په پای کې محترم ملا صاحب د یادې پروژې د مسؤلینو له ترسره شوو هڅو ستاینه وکړه او هغوی ته یې د کارونو د لا ښه‌والي په موخه لازمې سپارښتنې وکړې.

تازه خبرونه

پنجشنبه ۱۴۰۳/۱/۹ - ۲۰:۴۳
Background image

د خواف – هرات اوسپنې پټلۍ د څلورمې قطعې د دوهمې برخې جوړولو قرارداد لاسلیک شو

د ریاست‌الوزراء اقتصادي مرستیال محترم ملا عبدالغني برادر اخوند په حضور کې د خواف– هرات اوسپنې پټلۍ د څلورمې قطعې د دوهمې برخې جوړولو قرارداد د ۱۴۰۳ لمریز کال د وري میاشتې په ۹مه نېټه د. . .

یکشنبه ۱۴۰۳/۱/۵ - ۱۹:۵
Background image

د ملت سټیل اوسپنې ویلې کولو فابریکې دوهم او درېیم فازونو پرانیسته وشوه

د ملت سټیل اوسپنې ویلې کولو فابریکې د ګول سیخونو دوهم او اوسپنیزو ګاډرو د تولید درېیم فازونه نن د ۱۴۰۳ لمریز کال د وري میاشتې په پنځمه نېټه د یولړ ځانګړو مراسمو په ترڅ کې د ریاست. . .

یکشنبه ۱۴۰۳/۱/۵ - ۱۲:۵۰
Background image

د مالیې، اوبو او انرژۍ وزارتونو، د افغانستان برېښنا شرکت او خصوصي سکټور ترمنځ د شاوخوا څلور میلیارده افغانیو په ارزښت د څلورو پروژو تړونونه لاسلیک شول

د ریاست الوزراء اقتصادي مرستیال محترم ملا عبدالغني برادر اخوند په حضور کې د روان لمریز کال د وري میاشتې په ۵ مه نېټه د مالیې، اوبو او انرژۍ وزارتونو، د افغانستان برېښنا شرکت او خصوصي. . .

BACK TO NEWS