محترم ملا عبدالغني برادر اخوند د کابل - جلال آباد دوهم لین سړک څخه ليدنه وکړه

dpmea_admin
شنبه ۱۴۰۳/۲/۲۲ - ۱۱:۲
WhatsApp Image 2024-05-11 at 08.14.54_b278f5c1

د رياست الوزراء اقتصادي مرستيال محترم ملا عبدالغني برادر اخوند د روان ۱۴۰۳ لمريز کال د ثور مياشتې په ۲۱مه نېټه د جمعې په ورځ د کابل - جلال آباد دوهم لین سړک څخه ليدنه وکړه. د دغه ليدنې پر مهال د بهرنيو چارو وزير محترم مولوي اميرخان متقي، د ټولګټو وزیر محترم ملا محمد عیسی ثاني، د کابل والي مولوي امين الله عبيد او د ننګرهار والي ملا محمد نعيم اخوند هم حضور درلود. د ریاست الوزراء اقتصادي مرستیال د کابل - جلال آباد دوهم لین سړک د هېواد له مهمو سوداګريزو لارو څخه ياد کړ او ویې ویل چې د کابل – جلال آباد لومړي سړک په ورځني ډول سلګونه باروړونکي او مسافر وړونکي موټر تګ راتګ کوي. محترم ملا عبدالغني برادر اخوند زياته کړه، د کابل جلال آباد پر لومړي سړک د زیاتې ګڼې ګوڼې او ځينې وخت د غره د ښویېدو له امله ترافيکي پېښې رامنځته کېږي، چې په پايله کې يې هېوادوالو ته ځاني او مالي زيانونه رسېږي. نو اړتيا ده چې د دغه سړک دوهم لين هم جوړ شي، څو ترافيکي پېښې راکمې، سوداګريز توکي په وخت انتقال او د هېوادوالو ژوند وژغورل شي. په پای کې محترم ملا صاحب د دغې لارې اهمیت ته په کتو سره وویل چې  د کابل – جلال آباد لویې لارې دوهم لین سړک جوړولو پروژې عملي چارو پیل یې په خپلو کاري لومړیتوبونو کې نیولی او د عالیقدر امیرالمؤمنین شیخ صاحب حفظه الله  له منظورۍ وروسته به یې عملي چارې پیل شي.

تازه خبرونه

پنجشنبه ۱۴۰۳/۳/۲۴ - ۲۱:۵۳
Background image

د هرات په زنده‌جان ولسوالۍ کې زلزله ځپلو هېوادوالو ته یو بل ښار ګوټی جوړ او ګټې اخیستنې ته وسپارل شو

د ریاست الوزراء اقتصادي معاونیت د دفتر عمومي رئیس محترم مفتي عبدالله عزام د روان کال د غبرګولي میاشتې په ۲۴مه نېټه هرات ولایت ته د خپل سفر پرمهال په زنده جان ولسوالۍ کې تېر کال زلزله. . .

پنجشنبه ۱۴۰۳/۳/۲۴ - ۱۸:۱۱
Background image

د ریاست‌الوزراء اقتصادي مرستیال محترم ملا عبدالغني برادر اخوند غور ولایت ته سفر وکړ

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳لمریز کال د غبرګولي میاشتې په ۲۴مه نېټه په غور ولایت کې د وروستیو سېلابونو له امله د زیانمنو شویو هېوادوالو سره. . .

پنجشنبه ۱۴۰۳/۳/۲۴ - ۱۴:۱
Background image

اقتصادي کمېسیون په غونډه کې د سروبي دوهم بند د جوړېدو او په جوزجان کې د ۳۰۰ مېګاواټه ګازي برېښنا د تولید په اړه بحث وشو

د اقتصادي کمېسیون په نوبتي غونډه کې چې په مرمرینه ماڼۍ کې جوړه شوې وه، د کابل ولایت اړوند د سروبي دوهم بند د جوړېدو، په جوزجان ولایت کې د ۳۰۰ مېګاواټه ګازي برېښنا د تولید، د کانونو او. . .

BACK TO NEWS