الحاج ملا عبدالغني برادر اخوند: هغو مؤسساتو ته چې د پکتیکا ولایت زلزله ځپلو ته کورونه جوړوي، د ساختماني موادو رویالیټي معاف ده

fdpm_admin
پنجشنبه ۱۴۰۱/۷/۲۸ - ۱۳:۵۴
108

نېټه: 2022، اکټوبر 20مه

د ریاست‌الوزراء اقتصادي مرستیال الحاج ملا عبدالغني برادر اخوند؛ د پېښو د خطرونو کمولو نړیوالې ورځې لمانځغونډه کې ګډون او وینا وکړه. محترم ملا صاحب په همدې تړاو جوړو شوو مراسمو ته په وینا کې وویل: رامنځته کېدونکي طبیعي حوادث د الله تعالی له لوري دي، خو موږ او تاسې پر ځمکه د الله ج د بنده‌ګانو په صفت یادو پېښو ته په تدبیر نیولو سره مکلف شوي یو. متأسفانه روان اقلیمي بدلون او وروستي طبیعي حوادث د نړۍ تر څنګ، زموږ په ګران افغانستان کې هم د سختو او بې وخته بارانونو باعث شول، چې په پایله کې یې شدید سیلابونه راغلل او زموږ ولسونو ته یې ځاني او مالي تلفات واړول. همدارنګه زموږ د هېواد په جنوب-ختیځ کې سختې زلزلې وشوې چې خلک یې سخت متضرر کړل.

د ریاست‌الوزراء اقتصادي مرستیال د خپلو خبرو پر مهال زیاته کړه، د افغانستان اسلامي امارت د خپلو موجوده امکاناتو په کارولو سره کوښښ وکړ چې له زیانمنو شوو خلکو سره مرستې وکړي او ژوند یې وژغوري. موږ په دغه برخه کې له ټولو مسؤلو ارګانونو مننه کوو چې شپه او ورځ یې زحمت و ایست.

محترم ملا صاحب د پېښو د خطرونو کمولو نړیوالې ورځې لمانځغونډې ته وویل، د حکومت په صفت موږ او تاسې مکلف یو چې د زیانمنو شوو لاسنیوی وکړو او په راتلونکي کې د ولس د مرستې لپاره پوره چمتووالی ولرو.

الحاج ملا عبدالغني برادر اخوند په پکتیکا ولایت کې له زلزلو ځپلو سره د مرستو رسولو په دوام وویل، زه د ریاست‌الوزراء اقتصادي مرستیال په حیث په همدې مجلس کې اعلان کوم، چې د مؤسساتو لخوا د تېرې زلزلې له امله د پکتیکا ولایت زلزله ځپلو ته د کورونو جوړولو په باب د ساختماني موادو رویالیټي مکمله معاف ده او پر مسؤلینو غږ کوم چې هلته د متضررو هېوادوالو د کورونو د ودانولو په چارو کې تسهیل وکړي.

 

 

تازه خبرونه

پنجشنبه ۱۴۰۳/۱/۹ - ۲۰:۴۳
Background image

د خواف – هرات اوسپنې پټلۍ د څلورمې قطعې د دوهمې برخې جوړولو قرارداد لاسلیک شو

د ریاست‌الوزراء اقتصادي مرستیال محترم ملا عبدالغني برادر اخوند په حضور کې د خواف– هرات اوسپنې پټلۍ د څلورمې قطعې د دوهمې برخې جوړولو قرارداد د ۱۴۰۳ لمریز کال د وري میاشتې په ۹مه نېټه د. . .

یکشنبه ۱۴۰۳/۱/۵ - ۱۹:۵
Background image

د ملت سټیل اوسپنې ویلې کولو فابریکې دوهم او درېیم فازونو پرانیسته وشوه

د ملت سټیل اوسپنې ویلې کولو فابریکې د ګول سیخونو دوهم او اوسپنیزو ګاډرو د تولید درېیم فازونه نن د ۱۴۰۳ لمریز کال د وري میاشتې په پنځمه نېټه د یولړ ځانګړو مراسمو په ترڅ کې د ریاست. . .

یکشنبه ۱۴۰۳/۱/۵ - ۱۲:۵۰
Background image

د مالیې، اوبو او انرژۍ وزارتونو، د افغانستان برېښنا شرکت او خصوصي سکټور ترمنځ د شاوخوا څلور میلیارده افغانیو په ارزښت د څلورو پروژو تړونونه لاسلیک شول

د ریاست الوزراء اقتصادي مرستیال محترم ملا عبدالغني برادر اخوند په حضور کې د روان لمریز کال د وري میاشتې په ۵ مه نېټه د مالیې، اوبو او انرژۍ وزارتونو، د افغانستان برېښنا شرکت او خصوصي. . .

BACK TO NEWS