د ریاست‌الوزراء اقتصادي مرستیال محترم ملا عبدالغني برادر اخوند د صنعت اونۍ لمانځلو په مناسبت د کابل نړیوال نندارتون پرانیسته وکړه

dpmea_admin
پنجشنبه ۱۴۰۲/۲/۲۱ - ۱۴:۵۵
5u2a1852

د ریاست‌الوزراء اقتصادي مرستیال محترم ملا عبدالغني برادر اخوند د صنعت اونۍ لمانځلو په مناسبت د کابل نړیوال نندارتون پرانیسته وکړه. محترم ملا صاحب په همدې موخه جوړو شوو مراسمو ته وویل، صنعت او تولید د هېواد په اقتصادي وده کې د ملا د تیر حیثیت لري. یو هېواد هغه وخت پرمختګ کولای شي چې قوي صنعت ولري او له دې اړخه نه یوازې دا چې پر خپل ځان بسیا واوسي، بلکې نورې نړۍ ته هم خپل تولیدات صادر کړي. له بده‌مرغه اوږدو جګړو او د واکمنانو عدم ژمنتیا او نه ارادې افغانستان دې ته نه دی پرېښی چې له اقتصادي اړخه چټک مزل وکړي، خو الحمدلله د اسلامي امارت په راتګ سره د هېواد د اقتصادي ودې لپاره اساسي ګامونه اخیستل شوي. محترم ملا صاحب د خپلو خبرو پر مهال زیاته کړه، دا چې د صنعت او تولید لپاره برېښنا اړینه ده، له همدې ځایه ټولو هېوادوالو او په ځانګړي ډول صنعتکارانو ته زېری ورکوم چې ژر به په کور دننه د تولید شوې کافي برېښنا څښتنان واوسو. د ریاست‌الوزراء اقتصادي مرستیال جوړو شوو مراسمو کې وویل، هغه څوک چې په صنعت کې پانګونه وکړي او په خپلو تولیداتو کې اسلامي امارت ته د کمیت او کیفیت تضمین ورکړي، اسلامي امارت به له بهر څخه د هغو شیانو د تورید د مخنیوي او کورني صنعت ته د بازارموندنې په موخه د خودکفایۍ په اندازه تعرفه لوړه کړي. محترم ملا عبدالغني برادر اخوند په بهر مېشتو افغان پانګوالو غږ وکړ چې خپل هېواد ته راستانه شي، دلته پانګونه وکړي او د هېواد د اقتصاد او صنعت په رغونه کې فعاله ونډه واخلي. اسلامي امارت د ټولو صنعتکارانو تر څنګ ولاړ دی او هر ډول ملاتړ یې خپل مسؤلیت ګڼي. په پای کې محترم ملا صاحب له هغو ټولو صنعتکارانو وروڼو او خویندو څخه مننه وکړه چې د هېواد د اقتصادي ودې او صنعت ته د پرمختګ ورکولو لپاره یې پانګونه کړې. کابل نړیوال نندارتون کورنیو تولیداتو او محصولاتو ته د بازارموندنې، د ملي پانګوالو د ملاتړ، د سوداګرو ترمنځ د اړیکو برابرولو او هېوادوالو ته د کورنیو محصولاتو او تولیداتو د ورپېژندلو په موخه جوړ شوی، چې ټولټال پکې 550 تولیدي فابریکې په 55 بېلابېلو برخو کې خپل محصولات او تولیدات نندارې ته وړاندې کوي.

تازه خبرونه

پنجشنبه ۱۴۰۳/۳/۲۴ - ۲۱:۵۳
Background image

د هرات په زنده‌جان ولسوالۍ کې زلزله ځپلو هېوادوالو ته یو بل ښار ګوټی جوړ او ګټې اخیستنې ته وسپارل شو

د ریاست الوزراء اقتصادي معاونیت د دفتر عمومي رئیس محترم مفتي عبدالله عزام د روان کال د غبرګولي میاشتې په ۲۴مه نېټه هرات ولایت ته د خپل سفر پرمهال په زنده جان ولسوالۍ کې تېر کال زلزله. . .

پنجشنبه ۱۴۰۳/۳/۲۴ - ۱۸:۱۱
Background image

د ریاست‌الوزراء اقتصادي مرستیال محترم ملا عبدالغني برادر اخوند غور ولایت ته سفر وکړ

د ریاست‌الوزراء اقتصادي مرستیال محترم ملا عبدالغني برادر اخوند د روان ۱۴۰۳لمریز کال د غبرګولي میاشتې په ۲۴مه نېټه په غور ولایت کې د وروستیو سېلابونو له امله د زیانمنو شویو هېوادوالو سره. . .

پنجشنبه ۱۴۰۳/۳/۲۴ - ۱۴:۱
Background image

اقتصادي کمېسیون په غونډه کې د سروبي دوهم بند د جوړېدو او په جوزجان کې د ۳۰۰ مېګاواټه ګازي برېښنا د تولید په اړه بحث وشو

د اقتصادي کمېسیون په نوبتي غونډه کې چې په مرمرینه ماڼۍ کې جوړه شوې وه، د کابل ولایت اړوند د سروبي دوهم بند د جوړېدو، په جوزجان ولایت کې د ۳۰۰ مېګاواټه ګازي برېښنا د تولید، د کانونو او. . .

BACK TO NEWS