د ریاست‌الوزراء اقتصادي مرستیال د سالنګونو لویې لارې له کاري بهیر څخه لیدنه وکړه

masih_admin
چهارشنبه ۱۴۰۳/۸/۲ - ۱۵:۱
سالنګ ته سفر

د ریاست‌الوزراء اقتصادي مرستیال محترم ملا عبد الغني برادر اخوند د سالنګونو لویې لارې له کاري بهیر څخه لیدنه وکړه. د دغه لیدنې پر مهال د ټولګټو وزارت سرپرست وزیر محترم ملا محمد عیسی ثاني او یوشمېر نورو مسوولینو هم حضور درلود.

د ریاست‌الوزراء اقتصادي مرستیال د سالنګونو لویې لارې د بیارغونې له ترسره شوو کارونو خوښي څرګنده کړه او د یادې پروژې مسوولینو ته یې د دې ملي پروژې د کار د غوره کیفیت او په ټاکلي وخت د بشپړېدو په هکله لازمې لارښوونې وکړې. محترم ملا صاحب  د قراردادي شرکتونو مسوولینو، تطبیق کوونکو ټیمونو او فني کارکوونکو سره د لیدنې پر مهال وویل، د هېواد د ابادۍ لپاره باید په ګډه کار وکړو او دا د ویاړ ځای دی چې تاسو یې په بیارغونه کې برخه اخلئ.

د سالنګونو لویې لارې د بیارغونې کار د ټولګټو وزارت تر نظارت لاندې له خصوصي سکټور سره په درېیو برخو کې قرارداد شوی، چې اوسمهال یې له تونل څخه تر ۱۶مې ګالرۍ پورې د سي ټي بي او کانګرېټ اچونې کار بشپړ شوی او په شمالي او جنوبي سالنګ کې د ۱۰ ګالریو د بیارغونې کار جریان لري.

د یادونې وړ ده چې د یادو ګالریو پر بیارغونې سربېره په شمالي سالنګ کې د خنجان – دوشي سړک د اسفالټ اچونې کار هم جریان لري.

تازه خبرونه

چهارشنبه ۱۴۰۴/۱/۲۷ - ۱۵:۱۲
Background image

د عالیقدر امیرالمؤمنین حفظه‌الله تعالی په مشرۍ د اقتصادي کمېسیون په ځانګړې غونډه کې د شویو ۱۳ پرېکړو د تعقیب په موخه غونډه ترسره شوه

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د اقتصادي کمېسیون غونډه ترسره شوه. غونډې ته چې نن د روان ۱۴۰۴ لمریز کال د وري میاشتې په ۲۷مه نېټه په مرمرینه ماڼۍ. . .

سه‌شنبه ۱۴۰۴/۱/۲۶ - ۱۷:۲۱
Background image

اقتصادي کمېسیون د ملي پراختیا ستراتيژۍ مسوده تایید کړه

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د اقتصادي کمېسیون نوبتي غونډه ترسره شوه. دغه غونډه نن د روان ۱۴۰۴ لمریز کال د وري میاشتې په ۲۶مه نېټه په مرمرینه. . .

یکشنبه ۱۴۰۴/۱/۲۴ - ۱۴:۴۱
Background image

د سټنډرډ عالي شورا له لوري په بېلابېلو برخو کې ۳۰ سټنډرډونه تصویب شول

د ریاست‌الوزراء اقتصادي مرستیال محترم ملا عبدالغني برادر اخوند په مشرۍ د سټنډرډ عالي شورا درېیمه نوبتي غونډه ترسره شوه. دغه غونډه نن د روان ۱۴۰۴ لمریز کال د وري میاشتې په ۲۴مه نېټه په. . .

BACK TO NEWS