د ریاست‌الوزراء اقتصادي مرستیال محترم ملا عبدالغني برادر اخوند په بادام باغ کې د نیالګیو کېنولو ملي کمپاین په موخه جوړو شوو مراسمو کې ګډون او وینا وکړه

dpmea_admin
یکشنبه ۱۴۰۱/۱۲/۱۴ - ۱۴:۵۴
5U2A2600

د ریاست‌الوزراء اقتصادي مرستیال محترم ملا عبدالغني برادر اخوند په بادام باغ کې د نیالګیو کېنولو ملي کمپاین په موخه جوړو شوو مراسمو کې ګډون او وینا وکړه. محترم ملا صاحب یادو مراسمو ته وویل، موږ د افغانستان د زرغونولو او نیالګیو کېنولو په موخه د دا ډول پروګرامونو ستاینه کوو او باوري یو چې په دې سره به ډېرې شاړې ځمکې زرغونې او طبیعت ته به یې ګټه ورسېږي. محترم ملا عبدالغني برادر اخوند زیاته کړه، افغانستان یو زراعتي، د پرېمانه اوبو او مناسب طبیعي چاپېریال لرونکی هېواد دی، چې باید هوا یې تر نورو هېوادونو پاکه وای، خو له بده‌مرغه د پاکې انرژۍ نشتون او د څو لسیزو په اوږدو کې د اشغالګرو لخوا د خطرناکو بمونو او کیمیاوي وسلو استعمال زموږ د هېواد پر هوا او طبیعت بد تاثیر کړی دی. د دغه ککړ چاپېریال او وژونکو کیمیاوي موادو له تاثیراتو څخه د خلاصون یوازینۍ لار د نیالګیو کېنول او د هغه سالمه روزنه ده. دا کار یوازې د حکومت مسؤلیت نه دی، بلکې د هېواد هر وګړی باید په دغه برخه کې کار وکړي څو مو هېواد زرغون او یو ښه چاپېریال ولرو. د نیالګیو کېنولو ملي کمپاین په مناسبت جوړه شوې غونډه کې محترم ملا عبدالغني برادر اخوند له ټولو هېوادوالو او په ځانګړې توګه له کابل ښاریانو وغوښتل، چې په خپلو کورونو کې لږ تر لږه یو نیالګی کېنوي او پاللو ته یې پاملرنه وکړي. محترم ملا صاحب وویل، باوري یم که دا کار ترسره شي، په راتلونکو څو کلونو کې به د کابل ټولې تپې زرغونې شي.

تازه خبرونه

پنجشنبه ۱۴۰۳/۱/۹ - ۲۰:۴۳
Background image

د خواف – هرات اوسپنې پټلۍ د څلورمې قطعې د دوهمې برخې جوړولو قرارداد لاسلیک شو

د ریاست‌الوزراء اقتصادي مرستیال محترم ملا عبدالغني برادر اخوند په حضور کې د خواف– هرات اوسپنې پټلۍ د څلورمې قطعې د دوهمې برخې جوړولو قرارداد د ۱۴۰۳ لمریز کال د وري میاشتې په ۹مه نېټه د. . .

یکشنبه ۱۴۰۳/۱/۵ - ۱۹:۵
Background image

د ملت سټیل اوسپنې ویلې کولو فابریکې دوهم او درېیم فازونو پرانیسته وشوه

د ملت سټیل اوسپنې ویلې کولو فابریکې د ګول سیخونو دوهم او اوسپنیزو ګاډرو د تولید درېیم فازونه نن د ۱۴۰۳ لمریز کال د وري میاشتې په پنځمه نېټه د یولړ ځانګړو مراسمو په ترڅ کې د ریاست. . .

یکشنبه ۱۴۰۳/۱/۵ - ۱۲:۵۰
Background image

د مالیې، اوبو او انرژۍ وزارتونو، د افغانستان برېښنا شرکت او خصوصي سکټور ترمنځ د شاوخوا څلور میلیارده افغانیو په ارزښت د څلورو پروژو تړونونه لاسلیک شول

د ریاست الوزراء اقتصادي مرستیال محترم ملا عبدالغني برادر اخوند په حضور کې د روان لمریز کال د وري میاشتې په ۵ مه نېټه د مالیې، اوبو او انرژۍ وزارتونو، د افغانستان برېښنا شرکت او خصوصي. . .

BACK TO NEWS